لیستی هاو پەیمانی بارزانی، سەدر و سونەکان لیستێکە لەسەر بنەما نیشتیمانیەکان و پاراستنی بەرژەوەندی گەلانی عێراق و گێڕانەوەی هیوا بۆ کەمەڵگەی شەکەتی عێراقی دامەزراوە.
ئەم هاوپەیمانیە نوێنەرایەتی زۆرینەی چینو توێژەکانی کۆمەڵگای موزائیکی عێراقی و کوردستانی دەکات و هێمای پێکەوەیی و یەکهەڵوێستیە. یەکهەڵوێستی بە ئاراستەی خزمەت و گێڕانەوەی شکۆ بۆ چەمکی دەولەت و حوکمرانیەوە.
بەداخەوە حکومەتە یەک لە دوا یەکەکانی بەغدا بە درێژایی هەژدەساڵی دوای داڕمانی بەعس، توانای سەربەخۆیی لە بریارە نیشتیمانیەکان و سەرخستنی چەمکی دەوڵەتداری و پاراستنی بەرژەوەندیە نیشتیمانیەکانیان نەبووە.
هۆکاری ئەم بێ هێزیەش بە پلەی یەکەم بۆ هەژمونی ئێران و دەستوپەیوەندیەکانی ئەم وڵاتەو خۆبەدەستەوەدانی بەشێک لە سیاسیە عێراقی و بکەرانی نێو سیستەمی حوکمرانی و دونیای سیاسەت بە هێزێکی هەرێمی دەگەڕێتەوە.
ئەم وابەستەبوونە قووڵەی بەشێک لە سیاسیە تائیفیەکان بە هەژمونی ئێرانیەکان لە ساڵانی رابردوو، مخابن بووە ئاستەنگێکی گەورە لەبەردەم شکۆی حکومەت و چەمکی دەوڵەت و شێوازی حوکمرانی و پرسی خزمەتی نیشتیمانی و خزمەتی گەلانی عێراقەوە.
لیستی بارزانی و سەدر و سونەکان دەرهاوێشتەی بیرۆکەی خستنەسەر ڕاستەڕێی شەمەندەفەری دەوڵەتداری و حوکمی گەلە بەسەر گەل و سەرخستنی مەفهومی ڕاستەقینەی دیموکراسی و حوکمی زۆرینەیە.
ئەم لیستە هێمای ڕەتکردنەوەی حوکمرانی تەوافوقی شکست خواردووی هەژدەساڵی رابردووی مێژووی پۆست بەعسە ( قۆناغی دوای بەعس).
سەرکەوتنی ئەم هاوپەیمانیە بەندە بە دامەزراندنی مۆدێلێکی نمونەیی لە حوکمرانیەکی ڕاستەقینە لەسەر بنەمای حوکمی زۆرینەیەکی بەرپرسیارو و کاڵ کردنەوەی زهنیەتی تائیفی و سەرخستنی ماهیەتی دیموکراسیەوە.
هەربۆیەش نەیارانی ئەم هاوپەیمانیە وەک ئەوەی کێچ کەوتبێتە کەوڵیانەوە، پێی دڵتەنگو سەخڵەت و نیگەران و توڕەن و بەردەوامن لە دژایەتی کردن و رەت کردنەوەو ئاستەنگ نانەوەوە.
وەڵام بدەوه