ئاسۆ حاجی - ڕۆژنامونووس : بۆ ئەو هەموو شتە لە سلێمانی روودەدەن

- موچە نادرێ.
- پڕۆژە جێبەجێ ناکرێن.
- شار دەبێتە گوفەک و زبڵخانە.
- خەڵک لە هەموو شتێک بێزار بووە.
- خەڵک باوەڕی بە هیچ نەماوە.
- خەڵک خۆزگە بە داگیرکەر دەخوازێ. 
چونکە حیزبێک شارەکە و خەڵکەکەی وەک بارمەتە گرتووە، وەک کۆیلە مامەلەیان لەگەڵ دەکات، لە شەڕی حیزبی بەکاریان دەهێنێت، لە سازشی سیاسی دەیانکاتە کارت. 
پارەی داهات ناگەڕێنێتەوە بانکەکان، ئەو پارەش دەبات کە حکومەت بۆ بانکەکانی دەنێرێت، لە جیاتی داهاتی گشتی بگەڕێنێتەوە تا بکرێتە موچە و بدرێتە خەڵک، خەڵک هاندەدات کە دژی حکومەت خۆنیشاندان بکەن، بایکۆت بکەن.
هەموو ئەوانەش دەبنە هێزێکی نەگەتیڤ و تاکەکان هان دەدات کە رکیان لە خۆیان و هەموو شتێک ببێتەوە، شەرم لە مێژووی خۆیان بکەنەوە و باوەڕیان بە ئایندەیان نەمێنێ.
هەمووی یەک هۆکارە، حیزبێک(بنەماڵەیەک) ئەو شارە و خەڵکەکەی بە موڵکی خۆیان دادەنێن و ماف بەخۆیان دەدەن چۆنیان بوێ وایان بەکاربهێنن و هەڵیانبسوڕێنن، بەداخەوە خەڵکەکەش ئەوەیان قبوڵ کردووە!