ئێران هاتە دەنگ لەبارەی چەکەکانی ئەمریکا

 ئیسماعیل بەقایی، وتەبێژی وەزارەتی دەرەوەی ئێران لە سەردانێکی دا بۆ شاری سنە لە رۆژهەڵاتی کوردستان:
  تاران هیچ بایەخێک بە لێدوانەکانی بەرپرسانی ئەمریکا لەبارەی کورد نادات.
"قسەکانیان نیشانەی بێچارەییە و دووژمن بۆ گەیشتن بە ئامانجە ناڕەواکانی، پەنا بۆ هەر جۆرە فێڵ و پیلانێک دەبات."
 "ئێمە هیچ کاتێک کارمان بە لێدوان و وتەی بێگانەکان لەبارەی هاونیشتمانییانمانەوە نەبووە.
 ئێمە خۆمان دەزانین کە ئێرانییەکان، چ کورد، فارس، تورک یان بەلووچ، چۆن نیشتمانەکەیان خۆش دەوێت و شەیدای خاکەکەیانن."
  ئەم جۆرە لێدوانانە نیشانەی "نەناسینی خەڵکی ئێرانە".
خەڵکی کوردستان بە "خۆڕاگری و تێگەیشتنی بەرزی سیاسیی خۆیان، رۆڵێکی گرنگیان لە پاراستنی سنوورەکان و پەکخستنی پیلانی دووژمناندا گێڕاوە."
 قسەکانی بەرپرسانی ئەمریکی، زیاتر لە جاران ئێمە سەربەرز دەکات بە تێگەیشتن و ژیری و وردبینیی گەلی کورد؛ بەڕاستی دەبێت ئافەرینیان پێ بوترێت کە ئەمجارەش دووژمنیان خەڵەتاند و بێهیوایان کردن."