مەسعوود پزیشكیان سەرۆكی ئێران لە لێدوانێكدا دەڵێ، "ئێران هەرگیز كۆششی بۆ دروستكردنی چەكی ئەتۆمی نەكردووە، ئەمەیش بە هۆكارێكی فیقهییە نەك سیاسی".
ئەمڕۆ پێنجشەم 26ی شوبات، مەسعوود پزیشكیان سەرۆكی ئێران لە لێدوانێكی رۆژنامەوانیدا رەتی دەكاتەوە، ئێران چەكی ئەتۆمی هەبێت یان كۆشش بۆ بەرهەمهێنانی چەكی ئەتۆمی بكات. بەگوتەی ئەو ئەمەیش بەهۆكاری شەرعی و فیقهییە نەك سیاسی.
مەسعوود پزیشكیان روونی دەكاتەوە كە خامنەیی فەتوای حەرامكردنی چەكی كۆمەڵكوژی داوە، ئەمەیش مانای وایە ئێران هەرگیز چەكی ئەتۆمی بەرهەم نەهێناوە و دووپاتیشی دەكاتەوە، ئەم هەڵوێستە بە بڕیارێكی "فیقهی جێگیر"دادەنرێت نەك بڕیارێكی تەكنیكی بێت شیاوی گۆڕان بێت.
ئێران لەلایەن وڵاتانی رۆژئاواوە بە هەوڵدان بۆ بەدەستهێنانی چەكی ئەتۆمی تۆمەتبار دەكرێت. بەرپرسانی ئێرانیش رەتی دەكەنەوە و دەڵێن لە دوای ساڵی 2000 وە بە بڕیاری خامنەیی، بەرهەمهێنانی چەكی ئەتۆمی قەدەغەیە.
وەڵام بدەوه