ئێران ئامادەین بۆ جەنگ

وێنێ هەینی لە عومان گفتوگۆ ناراستەوخۆكانی ئەمەریكا و ئێران بەڕێوە چوو، لەو كاتەی عەباس عێراقچی وەزیری دەرەوەی ئێران رای گەیاند كە وڵاتەكەی ئامادەیە بۆ گەیشتن بە رێككەوتنێكی دڵنیاكەرەوەی ئەتۆمی لەگەڵ واشنتن، بەرپرسانی سەربازیی ئێران دووپاتی دەكەنەوە كە وڵاتەكەیان ئامادەیە بۆ بەرپەرچدانەوەی هەر هێرشێكی نوێی سەربازیی ئەمەریكا.
میدیاكانی ئێران سەردار حوسێن ئاشتری راوێژكاری باڵای سوپاسالاری ئێرانیان گواستەوە، ئێمە شەڕمان ناوێ و هێرش ناكەینە سەر هیچ دەوڵەتێك، بەڵام ئەگەر هێرش بكرێتە سەر ئێران بە توندی وەڵام دەدەینەوە، ئەوە سیاسەت و ستراتیجیەتی فەرماندەی باڵای هێزە چەكدارەكانی ئێرانە.  
روونی كردەوە، هێزە چەكدارەكانی ئێران ئامرازی نوێ و پێشكەوتووی سەربازی بەدەست كەوتووە و بەكارهێنانیان لە شەڕ وا لە دوژمن دەكات پاشەكشە بكات، توانای سەربازییەكانی ئێران بە بەراورد بە شەڕی پێشوو زیادی كردووە.
لای خۆیەوە لیوا عەبدولرەحیم مووسەوی سەرۆكی دەستەی ئەركانی هێزە چەكدارەكانی ئێران رای گەیاند كە هەر هێرشێكی سەربازی لە دژی ئێران، زیانێكی گەورە بە ئەنجامدەرانی دەگەیەنێت، ئێمە دەستپێشخەری لە شەڕ ناكەین، بەڵام ئامادەین بۆ بەرگریكردن لە خۆمان و ئاسایشی وڵاتەكەمان، بۆیە هەر سەركێشییەكی دوژمن تووشی دۆڕانێكی گەورەی دەكات و شەڕەكەش تەواوی ناوچەكە دەگرێتەوە و پلانداڕێژەر و ئەوانەشی پاڵپشتیی دەكەن زیانی گەورەیان بەر دەكەوێت .