ئەمڕۆ هەینی 31ى 10ى 2025، دەزگاکانی ڕاگەیاندنی ئیسرائیلی ئاشکرایان کرد کە دەسەڵاتدارانی ئەمنی ئیسرائیل و مۆساد "خۆیان بۆ هەڕەشەیەکی داهاتوو لە عێراق ئامادە دەکەن"، لە شێوەی فڕۆکەی بێفڕۆکەوان و مووشەک، یان تەنانەت مانۆڕی وشکانی لە ڕێگەی سنوورەکانی سووریا و ئوردنەوە.
ماڵپەڕی "والا"ی عیبری بڵاویكردهوه، "سەرچاوەکان لە فەرماندەیی باکووری ئیسرائیل هۆشداری دەدەن لەوەی کە ئێران، باڵهكانى له گرووپە عێراقییەکان و ژێرخانەکاندا ڕێك دەخاتەوە".
هەروەها گوتیشی "سوپای ئیسرائیل و مۆساد خۆیان ئاماده دهكهن بۆ هەڕەشەیەک كه له عێراقهوه دێت، و بەپێی سەرچاوەکان لە فەرماندەیی باکوور، ئێرانییەکان، گرووپە چهكداره میلیشیاکان و ژێرخانە سەربازییەکانی عێراق ڕێك دهخهنهوه و پڕ چهكیان دهكهن، بۆ ئەوەی بەپێی فەرمانەکان، بتوانن لە ڕێگەی ئاسمان و وشکانییەوە هێرش بکەنە سەر ئیسرائیل".
ئاماژەی بەوەشکردووە "ڕاپۆرتەکان ئاماژە بەوە دەکەن کە فەرماندەی فەیلەقی قودسی ئێران، ئیسماعیل قائانی، بەم دواییە سەردانی عێراقی کردووە و چاوی بە گەورە فەرماندەکانی گروپەکان کەوتووە".
ئەوەشی خستەڕوو کە "دیارترین شێواز بریتییە لە هەڵدانی مووشەک و فڕۆکەی بێفڕۆکەوان لە خاکی عێراقەوە، هاوشێوەی ئەوەی لە لووتکەی جەنگی (شمشێری ئاسنین دژی بەرەی ناوخۆی ئیسرائیل) دەستی پێکرد، شێوازی دووەمیش بریتییە لە مانۆڕی وشکانی کە لە عێراقەوە دەست پێدەکات و بەرەو سووریا دەڕوات، و لەوێشەوە ڕەنگە بەرەو سنووری ئیسرائیل-ئوردن بڕوات".
ماڵپەڕەکە ئاماژەی بەوەداوە کە "هێزی ئاسمانی ئیسرائیل لە ئۆپەراسیۆنی "کلاڤی"دا هێرشی کردووەتە سەر ناوەندە لۆجستییەکان لە ئێران لەسەر سنووری عێراق، کە لەلایەن گرووپەکانی عێراقەوە بەکاردەهێنرێن، و ئەم سیناریۆیە لە دۆڵی ئوردن لەسەر سنوور لەلایەن فیرقەی ڕۆژهەڵاتەوە جێبەجێ کراوە".
وەڵام بدەوه