حەماس: لە بەرامبەر ئاگربەست و ئازادکردنی زیندانییانی فەلەستینی، ئامادەین هەموو زیندانییەکانی ئیسرائیل ئازاد بکەین
خەلیل ئەلحەیە، سەرۆکی شاندی دانوستانکاری حەماس، ئامادەیی بزووتنەوەکەی بۆ ئازادکردنی سەرجەم زیندانیانی ئیسرائیلی لە بەرامبەر ئازادکردنی زیندانیانی فەلەستینی و کۆتاییهێنان بە شەڕی کەرتی غەززە دووپات کردەوە.
ئەلحەیە لە بەیاننامەیەکی ڤیدیۆییدا گوتی: سەرکردایەتیی بزووتنەوەی حەماس و گرووپە خۆڕاگرەکان زۆر حەزیان دەکرد دەستدرێژی لە دژی کەرتی غەززە ڕابگرن، زیاتر لە ساڵ و نیوێک لە دانوستانی سەخت کارمان کرد بۆ گەیشتن بەو ئامانجە تا گەیشتینە ڕێککەوتنی ١٧ی جانیوەری بە سێ قۆناغەکەیەوە.
ناوبراو لە درێژەی قسەکانیدا گوتی: جەخت لە ئامادەیی بزووتنەوەکە بۆ دانوستانەکان لەسەر پاکێجێکی هەمەلایەنە دەکەینەوە، کە هەموو ئەو زیندانییانەی لای ئێمەن ئازاد دەکرێن، لە بەرامبەر وەستاندنی تەواوەتی شەڕی دژی گەلەکەمان و کشانەوەی تەواوەتی لە کەرتی غەززە و دەستپێکردنی ئاوەدانکردنەوە و کۆتاییهێنان بە ئابڵوقە.
دەشڵێ: بەبێ گوێدانە ڕێڕەو و دەرئەنجامی دانوستانەکان، داوا لە کۆمەڵگەی نێودەوڵەتی دەکەین دەستبەجێ دەستوەردان بکات و فشاری پێویست بۆ کۆتاییهێنان بە گەمارۆی ناڕەوا لەسەر گەلەکەمان لە کەرتی غەززە بکات.
وەڵام بدەوه