نزیكەی مانگێكە هێرشە ئاسمانییەكانی ئەمریكا بۆ سەر چەكدارە حووسییەكانی نزیك لە ئێران لە یەمەن بەردەوامن و لە دوا گۆڕانكاریشدا 20 هێرشی ئاسمانیی نوێی كردە سەر حووسییەكان.
كەناڵی (ئەلحەدەس) بڵاوی كردووەتەوە، ئەمڕۆ چوارشەممە 16ی 4ەی 2025 سوپای ئەمریكا 20 هێرشی ئاسمانیی كردووەتە سەر پێگەكانی حووسییەكان لە سەنعای پایتەختی یەمەن، كە بەهۆیەوە تەقینەوەی گەورە ڕوویان داوە.
هێرشەكان سەربازگەی حەفائیان لە چیای نەقم لە ڕۆژهەڵاتی سەنعا كردووەتە ئامانج و فڕۆكەكان ئەو ناوچەیان كوتاوە.
هاوكات چەند ناوچەیەكی دیكەش كراونەتە ئامانج، وەكوو ناوچەی هەندین لە ناوەڕاستی پارێزگاكە و تۆڕی پەیوەندییەكانی حوسییەكانیش زەبری لێدراوە، بەڵام زیانە گیانییەكانی ئاشكرا نەكراون.
هێرشەكانی ئەمریكا بۆ سەر حووسییەكانی یەمەن ماوەیەكە چڕ بووەتەوە و ئەمریكا داوا دەكات ئەم گرووپە چەكدارە ئازادیی بازرگانی و جووڵەی كەشتییەكان لە دەریای سوور نەكەنە ئامانج.
وەڵام بدەوه