وەزیری دەرەوەی تورکیا رایدەگەیەنێت، نایانەوێت لەگەڵ ئیسرائیل تووشی روبەروبوونەوە بن، دەشڵێت: کردەوەکانی ئیسرائیل لە سوریا ڕێگا بۆ ناسەقامگیری داهاتووی ناوچەکە خۆش دەکات.
هاکان فیدان، وەزیری دەرەوەی تورکیا لە پەراوێزی کۆبوونەوەی وەزیرانی دەرەوەی ناتۆ لە برۆکسل ڕاگەیاند، کردەوەکانی ئیسرائیل لە سوریا ڕێگا بۆ ناسەقامگیری داهاتووی ناوچەکە خۆش دەکات، گوتیشی، تورکیا نایەوێت هیچ ڕووبەڕووبوونەوەیەک لەگەڵ ئیسرائیل لە سوریادا ڕووبدات.
وەزیری دەرەوەی تورکیا ئاماژەی بەوەشکرد، ئەگەر ئیدارەی نوێی دیمەشق دەیەوێت "لێکتێگەیشتن" لەگەڵ ئیسرائیل ئەنجام بدات، ئەوە کاروباری خۆیانەو پەیوەندی بە تورکیاوە نییە، ئاماژەی بەوەشکرد، ئیدارەی ئەحمەد شەرع، سەرۆکی سەرۆکی قۆناغی ڕاگوزەری سووریا، هاوپەیمانێکی نزیکی تورکیایە.
لێدوانی فیدان لە کاتێکدایە، میدیای فەرمی سووریا رایگەیاندووە، ئیسرائیل بەچڕی بۆمبارانی دیمەشق و فڕۆکەخانەی سەربازیی حەما و دەوروبەری فڕۆکەخانەی T4ـی سەربازیی لە حمس کردووە.
وەڵام بدەوه