میدیاکان ئه‌مڕۆ (سێشەممە 1ى نیسانی 2025) بڵاویان کردەوە کە ئێران لە ڕێکخراوی نەتەوە یەکگرتووەکان سكاڵاى لە دژی لێدوانەکانی دۆناڵد ترەمپ، سەرۆکی ئەمریکا تۆمار کردووە، کە بە "بێباکانە و شەڕانگێزی" وەسفی کردووە.
ئێران لە نامەکەیدا بۆ نەتەوە یەکگرتووەکان ڕایگەیاندووە، "لێدوانەکانی ترامپ پێشێلکارییەکی ئاشکرای یاسا نێودەوڵەتییەکان و بنەما بنەڕەتییەکانی جاڕنامەی نەتەوە یەکگرتووەکانه".
ئاماژە بەوەش کراوە، "جێگەی داخ و نیگه‌رانییه کە ئەمریکا هێزی سەربازی وەک ئامرازێکی سەرەکیی زۆرەملێ بەکاردەهێنێت بۆ گەیشتن بە ئامانجە سیاسی و جیۆپۆلیتیکییەکان" وه‌ك له نامه‌كه‌دا هاتووه.
ئێران هۆشداری دا کە وەڵامی خێرا و یەکلاکەرەوە دەداتەوە بەرامبەر هەر کردارێک یان هێرشێکی شەڕانگێزانەی ئەمریکا یان ئیسرائیل دژی سەروەری، یەکپارچەیی خاکی، یان بەرژەوەندییە نیشتمانییەکانی.
وەڵام بدەوه