وەزیری راگەیاندن و رەوەندی ئیسرائیل رای گەیاند، ئیسرائیل بۆ پاراستنی كورد و درووزییەكان دەست بە جووڵە دەكات و دەشڵێت، دەبێت رۆژئاوا بەهۆی پشتگیرییەكانیان بۆ تیرۆریستانی تەحریر شام، سزای توندی قەتەر و توركیا بدەن.
ئەمێخای شیكلی وەزیری راگەیاندن و رەوەندی ئیسرائیل، لە راگەیەنراوێكدا لە پێگەی فەرمی خۆی لە پلاتفۆرمی ئێكس بڵاوی كردەوە، ئیسرائیل لەمەودوا جووڵە دەكات بە ئاراستەی پاراستنی كورد و درووزییەكان و كەمینەكانی تر لە سووریا.
ئاماژەی بەوەش كردووە، دەبێت كورد و درووزییەكان لە دەست تیرۆریستان تەحریر شام بپارێزرێن و ئەو كوشتارگەیەی لە هەینییەوە دەیبینین كۆتایی پێ بێت.
لە بەشێكی تری راگەیەنراوەكەیدا ئەمێخای شیكلی باسی لەوەش كردووە، كورد و درووزییەكان رووبەڕووی جینۆسایدی جیهادی گرووپی تیرۆریستی تەحریر شام دەبنەوە، ئیسرائیلیش لە پێناو پاراستنیان دەست بە جووڵەی مەیدانی دەكات.
ئەوەشی گوتووە، لەسەر نەتەوە یەكگرتووەكان و وڵاتانی رۆژئاوا پێویستە سزای توندی قەتەر و توركیا بدەن، بەهۆی پشتگیرییەكانیان بۆ ئەم جۆرە گرووپە تیرۆریستییانە و هاوشێوەكانیان.
وەڵام بدەوه