كەناڵی (سكاینیوز)ی عەرەبی بڵاوی كردووەتەوە، ئێستاش توركیا ئامادە نییە ڕووبەڕووی بوومەلەرزە ببێتەوە و گیانی هەزاران كەس لە مەترسیدایە، ئەمەش دوای دوو ساڵ لە بوومەلەرزە وێرانكەرەكەی باشووری ڕۆژهەڵاتی توركیا.
ناسی جۆرۆر، توێژەری بواری بوومەلەرزەناسی بۆ ئاژانسی هەواڵیی ئەڵمانیا دواوە و باسی لەوە كردووە: مەترسی هەیە بوومەلەرزە لە ئیستەنبوول بدات و 100 هەزار باڵەخانە دابڕمێنێت، هاوكات سەدان هەزار كەس لەناو ببات.
ئەوەش باس كراوە، ئەگەر بوومەلەرزەیەكی وا ڕوو بدات، زیانە ئابوورییەكەی ملیاران دۆلار دەبێت.
جۆرۆر دەڵێ: دەسەڵاتی توركیا و خەڵكەكەی هەست بەو مەترسییە ناكەن و ئەو ڕێوشوێنانەی گیراونەتە بەر، خەڵك لە لەناوچوون ناپارێزن.
ئەمە لە كاتێكدایە كە موراد كۆروم، وەزیری گەشەپێدانی شارستانیی توركیا ڕایگەیاندووە: ئەگەر بوومەلەرزەیەك لە ئیستەنبوول بدات، ئەو شارە ناتوانێت خۆی ڕابگرێت.
توێژەرانی بوارەكە هەمیشە هۆشداری لە ئەگەری بوومەرزە لەو ناوچەیە دەدەن و لە ساڵی 2023 بەهۆی بوومەلەرزەوە 53 هەزار كەس لە توركیا مردن و لە ساڵی 1999 بەهۆی بوومەلەرزەكەی ڕۆژهەڵاتی ئیستەنبوول 17 هەزار كەس مردن.
وەڵام بدەوه