وەزیری دەرەوەی ئەمەریكا، داوای دەستپێكردنی گواستنەوەی دەسەڵات لە سووریا دەكات و داواش دەكات ڕێگریی لە سەرهەڵدانەوەی تیرۆر بكرێت
ماركۆ رۆبیۆ لەگەڵ هاكان فیدان وەزیری دەرەوەی توركیا لە كۆبوونەوەكەیاندا، گفتوگۆیان لەسەر گواستنەوەی پرۆسەی گشتگیریی دەسەڵات لە سووریا كردووە.
وەزیری دەرەوەی ئەمەریكا دووپاتی لەسەر ئەوە كردووەتەوە كە دەبێت حكوومەتی نوێی دیمەشق، رێگریی لەوە بكات سووریا ببێتە سەرچاوەیەك بۆ تیرۆری نێودەوڵەتی و بەرەنگاری هەر جووڵەیەكی ڕێكخراوە تیرۆریستییەكان بكات.
ماڵپەڕی "حوڕە" بڵاوی كردووە، تامی برۆز گوتەبێژی وەزارەتی دەرەوەی ئەمەریكا رای گەیاندووە، وەزیری دەرەوەی ئەمەریكا دووپاتی لەوە كردووەتەوە، دەبێت دەسەڵات بەزووترین كات بگوازرێتەوە و ئامادەكاریی هەڵبژاردن بكرێت.
گوتەبێژەكە باسی لەوەش كردووە كە وەزیری دەرەوە لە رێگەی وەزیری دەرەوەی توركیاوە، پەیامی ئەمەریكای گەیاندووە بە دەسەڵاتدارانی سووریا و گوتوویەتی، چیتر رێگە نەدرێت ئەو گرووپەی بەناوی شۆڕٍشەوە دەسەڵاتی سووریایان بەدەستەوەیەوە، بەم شێوەیەی ئێستە بەردەوام بن و دەبێت خەڵك بڕیار بدات و دەسەڵاتێكی مەدەنی و بە ئامادەبوونی هەموو پێكهاتە و گرووپەكانی ناو سووریا دروست بكرێت.
وەڵام بدەوه