كەناڵی (سكاینیوزی عەرەبی) ئەمڕۆ چوارشەممە، 15ی 1ی 2025 بڵاوی كردەوە، حووسییەكانی یەمەن فڕۆكەیەكی كەشتیهەڵگری ئەمریكییان بە چەندین مووشەك و فڕۆكەی بێفڕۆكەوان لە دەریای سووردا بەئامانج گرتووە.
یەحیا سەریع، گوتەبێژی حووسییەكان، ڕایگەیاندووە: هێرشێكی سەربازییان كردووەتە سەر كەشتیی فڕۆكەهەڵگری ئەمریكیی یو ئێس ئێس هاری تروومان لە باكووری دەریای سوور.
بەرپرسێكی ئەمریكی لە وەڵامی ئاژانسی (فرانس پرێس) لەبارەی دەرەنجامی هێرشەوە ڕایگەیاندووە: هەموو ئەوانەی لە كەشتییەكەدا بوونە سەلامەتن و هیچ زیانێكی گیانیی لێ نەكەوتووەتەوە.
لە دوای دەستپێكی شەڕی غەزە لە ئۆكتۆبەری 2023، حووسییەكانی یەمەن دەستیان بە هێرش بۆ سەر كەشتییەكانی ئەمریكا لە كەناراوەكانی یەمەن كرد.
لە كاردانەوەی ئەمەدا ئەمریكا و بەریتانیا و ئیسرائیل هێرشە ناوبەناوەكانیان بۆ سەر حووسییەكان دەست پێكردووە.
حووسییەكانی یەمەن دەڵێن: هێرشەكانیان بۆ بەرگرییە لە خەڵكی غەزە و تۆڵەكردنەوەیە لە ئیسرائیل، ئیسرائیلیش هەڕەشەی بەردەوام دەكات و سەرۆكوەزیرانی وڵاتەكە ڕایگەیاندووە: حووسییەكان باجی كارەكانیان دەدەن.
وەڵام بدەوه