بەهۆی هێرشێكی هێزی ئاسمانیی ئیسرائیل، ئەمڕۆ چوارشەممە، 15ی 1ی 2025، لە پارێزگای قەنتیرە لە باشووری سووریا، 3 كەس كوژران.
ڕوانگەی سووری ڕایگەیاندووە: فڕۆكەكانی ئیسرائیل هێرشێكیان كردووەتە سەر كاروانێكی سەربازیی ئیدارەی پرۆسە سەربازییەكانی سووریا لە باشووری غەدیر بێستان لە گوندەواری پارێزگای قەنتیرە.
ئەوەش ڕاگەیەندراوە، هێرشەكە بووەتە هۆی ئەوەی دوو چەكداری دەسەڵاتی نوێی سووریا بكوژرێن و كەسێكی مەدەنییش لەگەڵیاندا كوژراوە.
تاكوو ئێستا دەسەڵاتی فەرمیی ئیسرائیل هیچ لێدوانێكی لەسەر ئەو هێرشە نەداوە، هێرشەكەش لە كاتێكدا بووە كە هەڵمەتێكی ئەمنی لە شارەكەدا لەلایەن ئیدارەی پرۆسە سەربازییەكان بەڕێوە چووە.
جێی باسە لە دوای كەوتنی ئەسەد، ئەمە یەكەمجارە ئیسرائیل هێرش بكاتە سەر چەكدارانی دەسەڵاتی نوێی سووریا.
وەڵام بدەوه