هێزە چەكدارەكانی حووسییەكانی یەمەن، ئەمڕۆ هەینی، 10ی 1ی 2025، ڕایانگەیاند: كەشتیی فڕۆكەهەڵگری ئەمریكیی ترومان و بەشێك لە بنكە سەربازییە ئاوییەكانی ئەمریكا لە باكووری دەریای سوور بە مووشەك و درۆن بە ئامانج گیران.
گوتەبێژی هێزە چەكدارەكانی حووسییەكانی یەمەن، یەحیا سەریع، ڕایگەیاندووە: "كەشتیی فڕۆكەهەڵگری ترومان لەلایەن حووسییەكانەوە بە ئامانج گیراوە، وە خۆیشی دەڵێ: ئەوەش هۆكار بوو بۆ ئەوەی ئەمریكا لە هێرشە ئاسمانییەكانی ئەمڕۆی بۆ سەر حووسییەكان پاشەكشە بكات."
ئەو گوتەبێژە دەڵێت: جگە لەو هێرشانە، دوێنی ناوچەی یافا لە ئیسرائیل بە سێ درۆن لەلایەن حووسییەكانەوە هێرشی كراوەتە سەر و تاكوو گەیشتن بە ئامانج لەسەر هێرشەكانیان بۆ سەر ئیسرائیل و ئەمریكا بەردەوام دەبن.
هەر ئەمڕۆ ئەمریكا و بەریتانیا 3 هێرشیان كردە سەر ناوچه‌ى حەرف سوفیانیان لە پارێزگای عەمران لە باکووری سەنعا و پارێزگای حودەیدە لە ڕۆژئاوای وڵاتەکە.
ئاژانسی ئەسۆشێتدپرێس لە زاری فەرماندەیی ناوەندیی ئەمەریکا بڵاوی کردەوە، هێرشیان بۆ سەر دامەزراوە ژێرزەمینییەکانی هەڵگرتنی چەک لە ناوچەکانی ژێر دەسەڵاتی حووسییەکان لە یەمەن ئەنجام داوە.
وەڵام بدەوه