لەگەڵ هەواڵی كۆنترۆڵكردنی ناوچەی جیاكەرەوەی سنووری سووریا و ئیسرائیل لەلایەن سوپای ئیسرائیلەوە، دەنگۆی ئەوە بڵاو بووەوە كە پێشڕەوییەكانی سوپای ئیسرائیل بەردەوامە و لە شاری دیمەشق نزیك بوونەتەوە.
گوتەبێژی سوپای ئیسرائیل، دانیەڵ هەگاری، بۆ (سكاینیوز)ی عەرەبی ئاشكرای كردووە، هەواڵی نزیكبوونەوەی سوپای ئیسرائیل لە دیمەشق ناڕاستە و كۆنترۆڵكردنی ناوچەی جیاكەرەوەش لە سنووری سووریا و ئیسرائیل، بۆ دەستەبەری ئاسایشی ئەو ناوچەیەیە دوور لە گرووپە چەكدار و تیرۆریستییەكان."
لەبارەی مانەوەی هێزەكانی ئیسرائیل لەو ناوچە سنوورییانە، ناوبراو دەڵێت: "كشانەوەی هێزەكانمان پەیوەستە بە بڕیاری سیاسییەوە، ئەوەشیان دەگەڕێتەوە سەر ئەوەی تا چەند ئەو ناوچە سنوورییانە ئاسایشمەند و پارێزراو دەبن و نابنە پەناگەی هەڕەشەكان بۆ سەر ئیسرائیل."
ڕۆژی یەكشەممە، سوپای ئیسرائیل، دوای كۆنترۆڵكردنی دیمەشق، پێشڕەویی لە بەرزاییەكانی جۆلانی سنووری ئیسرائیل و سووریادا كرد، هاوكات دەیان هێرشی ئاسمانیی كردە سەر جبەخانە و كۆگەكانی چەكی ڕژێمی پێشووی سووریا.
وەڵام بدەوه