نەتەنیاهۆ لەسەر جەنگ هۆشدارى نوێی ڕاگەیاند

بنیامین نەتەنیاهۆ سەرۆك وەزیرانی ئیسرائیل رای گەیاند، "ئاگربەست لەگەڵ لبنان دەقۆزینەوە بۆ خۆپڕچەككردن و ڕەنگە ئاگربەست لغەززەش ڕابگەیەنم، بەڵام جەنگ ڕاناگرین و زۆرن ئەوانەی لەم ماوەدا ئەزیەتیان داوین و خۆیان بەرپرسن لەو كارانەی كردیان.

لە دووەم ڕۆژی ئاگربەستی نێوان ئیسرائیل و حزبوڵای لبناندا، بنیامین نەتەنیاهۆ سەرۆك وەزیرانی ئیسرائیل لێدوانێكی ڕۆژنامەوانیی لەبارەی بارودۆخەكە و پلانی داهاتووی وڵاتەكەی بۆ مامەڵەكردن لەگەڵ لبنان و غەززە بڵاوكردەوە و گوتی، "لە جەنگەكەماندا لەگەڵ لبنان ئەوەی دەمانویست بەدەستمانهێنا.

ناتەنیاهۆ ڕاشیگەیاند، "ئامانجمان سەقامگیركردنی دۆخی ئاسایشی باكوری وڵات بوو، بە لێدان لە حزبوڵڵا و لاوازكردنی توانای هێرشكردنی ئەو گروپە، توانیمان ئاسایشی باكور بەرقەراربكەین و قۆناغ بە قۆناغ ژیان ئاسایی دەكەینەوە.

لەبارەی ئەو ئاگربەستەی بە هەوڵی ئەمەریكا و فەرەنسا لە نێوان سوپای ئیسرائیل و حزبوڵڵای لوبناندا ڕاگەیەندراوە، سەرۆك وەزیرانی ئیسرائیل گوتی، "ئاگربەست دەقۆزینەوە بۆ خۆپڕچەككردن و دروستكردنی چەك بە شێوەیەكی فراوان، چەكی زیاتریشمان لە ئەمەریكاوە پێدەگات، لە نێویاندا جۆرێك چەك كە ئەمەریكا قەدەغەیكردبووە ئێمە بەكاری دێنیین و هەموو ئەوانی ئەزیەتیان لەناو دەبەین.

بنیامین نەتەنیاهۆ غەزەشەوە ڕایگەیاند، "ڕەنگە ڕەزامەندبم بە ڕاگەیاندنی ئاگربەست لە غەززە، بەڵام جەنگ ڕاناگری و بەردەوامین لەناو بردنی دوژمنەكانمان.