كۆمەڵەی مانگی سووری ئێرانی رای گەیاند كە سێ تەقینەوە لە كارگەی "زەیت" لە ناوچەی پیشەسازیی كرمسار سەر بە پارێزگای سمنان لە رۆژهەڵاتی تاران روویان داوە.
ئەمڕۆ دووشەم 23ی ئەیلوولی 2024، بەپێی ئاژانسی فەرمیی هەواڵی ئێرانی "میهر" چوار تیمی ئاگركوژێنەوە و بەهاناوەچوون چوونەتە شوێنی رووداوەكە بۆ كۆنتڕۆڵی ئاگرەكە.
ئاژانسەكە لە زاری بەرپرسی مانگی سووری ئێرانی ئەوەیشی گواستووەتەوە كە دوو كەس لەوانەی بۆ نەخۆشخانە گوازراونەتەوە برینەكانییان سەختە، ئاماژەیشی داوە تا ئێستە زیانە مادیەكان و گیانییەكان لە ئەنجامی ئەم سێ تەقینەوەیە نازانرێت.
لای خۆشییەوە "محەمەد رەزا هاشمی" پارێزگاری سمنان گەیشتە شوێنی رووداوەكە و بەرپرسانی شارەكەیش خەریكی لێكۆڵینەوەن لە هۆكار و سروشتی تەقینەوەكە.
وەڵام بدەوه