ڕێبەری ڕەوتی سەدر دوای ئەوەی دوێنی هەینی بە ڕاسپاردەی ئەو نوێژی هەینی یەکگرتوو بە بەشداری زیاتر لە 2 ملیۆن کەس لە شاری سەدر لە ڕۆژهەڵاتی بەغدا ئەنجام درا، ئەمڕۆ شەممە لەمبارەیەوە پەیامێکی بڵاوکردۆتەوە و ڕێنمایی لایەنەگرانی دەکات.
موقتەدا سەدر ڕێبەری ڕەوتی سەدر لە پەیامەکەیدا جەخت لەسەر یەکڕیزی نەتەوەیی عێراق و دەستبەرداربوون لە تایفەگەری، بەهێزکردنی شکۆمەندی گەل، ڕەتکردنەوەی ژێر دەستەیی و پاراستنی نیشتمان لەهەر مەترسییەک دەکاتەوە.
سەدر جەختیش لە وەستان لەدژی گەندەڵی بەشێوەی پێکەوەیی دەکاتەوە و دەڵێت، پێویستە هەموومان دژی بوەستین پێکەوە، نەک لەسەر ئاستی کەسی.
ڕێبەری ڕەوتی سەدر هەر لە پەیامەکەیدا ئاماژەی بەوەش داوە کە پێویستە توندوتیژی دژی کەمینەکان و پێکهاتە نەتەوەیی و مەزهەبەکان ڕابگیرێت.
وەڵام بدەوه