سوپای ئیسرائیل بە فەرمی، كوشتنی فەرماندەی باڵی سەربازیی بزووتنەوەی حەماسی راگەیاند.
پاش ئەوەی بەرەبەیانی دوێنێ چوارشەممە 31ی تەمووزی 2024، ئیسماعیل هەنییە، سەرۆكی مەكتەبی سیاسیی حەماس و كەسی یەكەمی باڵی سیاسیی بزووتنەوەكە لە تارانی پایتەختی ئێران بە مووشەك كوژرا. ئەمڕۆ پێنجشەممە، سوپای ئیسرائیل بە فەرمی كوشتنی (محمد الضيف)ی فەرماندەی باڵی سەربازیی بزووتنەوەی حەماسی راگەیاند.
راگەیاندنی كوشتنی فەرماندەی باڵی سەربازیی حەماس پاش تێپەڕبوونی چەند هەفتەیەك دێت لە بەئامانجگرتنی لە كەرتی غەززە.
میدیاكان باس لەوە دەكەن كە لەو هێرشەدا كە لە ناوچەی (خان یونس) كرایە سەر فەرماندەكەی حەماس، هاوكات سەدان ئاوارەی فەڵەستینیش گیانیان لەدەست داوە.
وەڵام بدەوه