دووبارە ئێران ماوەی ھەڵبژاردنی سەرۆکایەتی درێژکرایەوە

کاتی دەنگدان بۆ هەڵبژاردنی سەرۆککۆماری ئێران بۆ ماوەی دوو کاژێری دیکە و تاوەکو کاژێر 22:00 بە کاتی تاران (کاژێر 21:30 بە کاتی هەولێر) درێژکرایەوە.

پێشتر لە کاژێر 18:00 تاوەکو 20:00 بە کاتی تاران درێژکرابووەوە.

لە کاژێر 08:00ـی بەیانییەوە بنکەکانی دەنگدان بەڕووی دەنگدەرانی ئێرانی کراونەتەوە، بڕیاربوو کاژێر 18:00 بە کاتی تاران دابخرێن، بەڵام وادەکە درێژکرایەوە. 

موحسین ئیسلامی، گوتەبێژی کۆمیسیۆنی هەڵبژاردنەکانی ئێران دەڵێت، وەزیری ناوخۆی ئێران مافی هەیە تاوەکو کاژێر 12ی شەو هەڵبژاردن درێژ بکاتەوە، ئەگەر پێویست بکات.

لە گەڕی یەکەمی هەڵبژاردندا کاتی هەڵبژاردن تاوەکو 12ی شەو درێژکرایەوە و دوای ئەوەش ئەو کەسانەی لە نێو بنکەکانی دەنگداندا بوون توانییان دەنگ بدەن.

رکابەرایەتییەکە لەنێوان سەعید جەلیلی، سکرتێری پێشووتری ئەنجوومەنی ئاسایشی نیشتمانیی ئێران کە لە باڵی نەریتخوازانە و مەسعود پزیشکیان، بەربژێری ریفۆرمخوازەکانە.