دوای مووشەكبارانی چەند رۆژی رابردووی نێوان ئێران و پاكستان، ئەنوەر ئەلهەق كاكار، سەرۆكوەزیرانی پاكستان، بەشدارییكردنی لە كۆنگرەی داڤۆس پچڕاند و داوای كۆبوونەوەی بەپەلە دەكات.
گوتەبێژێك بەناوی نووسینگەی سەرۆكوەزیرانی پاكستان بۆ ئاژانسی (فرانس پرێس) رایگەیاندووە، سەرۆكوەزیران داوای كۆبوونەوەیەكی بەپەلەی كردووە و هەریەكە سەرۆك ئەركانی سوپا و سەرۆكی دەزگای هەواڵگریی تێیدا ئامادە و بەشدار دەبن.
سێشەممەی رابردوو، دەزگا راگەیاندنە فەرمییەكانی ئێران رایان گەیاند، كە هێرشێكی مووشەكییان كردووەتە سەر بنكەكانی سوپای عەدل لە پاكستان، دوێنێ پێنجشەممە، لە وەڵامی ئەو هێرشەدا، پاكستان بە زنجیرەیەك هێرشی مووشەكی و درۆنی لەناو خاكی ئێران گرووپێكی تیرۆریستیی نەیاری خۆی لە سیستان و بلووچستان كردە ئامانج و لە پەیامێكی روون و ئاشكراشدا راشیگەیاند، ئەو پەنجەیە دەبڕینەوە كە هێرش دەكاتە سەرمان.
وەڵام بدەوه