ئه‌مڕۆ سێشه‌ممه 25/7/2023، فەرمانگەی میدیا و زانیاریی حکوومەتی هەرێمی کوردستان رایگەیاند، "دابینکردن و بەهێزكردنی ئاسایشی خۆراك، یەكێكە لە ئامانجەكانی كابینەی نۆیەمی حكوومەتی هەرێمی كوردستان، بۆ ئەم مەبەستە کارکردن لە پرۆژە ستراتیژییەکان بەردەوامن، لەم چوارچێوەیەشدا پرۆژەی سایلۆ و کارگەی ئارد لە دهۆک، بە تێچووی 20 ملیۆن دۆلار لە تەواوبووندایە.
لەوبارەیەوە، ئەندازیار ئاراز جەمال، بەڕێوەبەری پرۆژەكە دەڵێت: "پرۆژەکە %93ـی کارەکانی تەواو بووە و لە کاتی کارکردنیش لەم پڕۆژەیەدا زیاتر لە 120 هەلی کار رەخسێنراوە، بە تەواوبوونیشی، 100 هەلی کاری بەردەوام بۆ دەستی کاری ناوخۆیی دەڕەخسێنێت".
ئاماژه‌ی به‌وه‌ش كردووه، رووبەری پرۆژەكە زیاتر لە 21 هەزار مەترە، کە پێکهاتووە لە 12 سایلۆ و کارگەیەکی ئارد كە دەتوانن ساڵانە 150 هەزار تۆن گەنم وەربگرن و کارگەکەش 150 هەزار تۆن ئارد بەرهەم بهێنێت.
وەڵام بدەوه