دلێر عەبدولواحید، بەڕێوەبەری دابەشکردنی خۆراک لە هەولێر، ڕایگەیاند: بەشەخۆراکی شەشەمی هاووڵاتییان، بە دابەشکردنی برنج دەستی پێکردووە و ناوشار و ناوچە دوورەکان برنجی تایلەندی و لە دەوروبەری هەولێریش برنجی ئەمریکی دابەش دەکرێت."
ئاماژەی بەوەش دا، لەم هەفتەیەدا مادەكانی دیکەی خۆراک دەدرێتە بریکارەکان و دابەش دەکرێت، گوتیشی: "شەکر و زەیتی پێویستمان نییە، لەم هەفتەدا ئەویش تەواو دەکرێت و دابەش دەکرێت.
سەبەتەی ئەم جارە لە شەش ماددەی خۆراکی پێکهاتووە، کە بریتییە لە برنج و زەیت و دۆشاوی تەماتە و شەکر و لەتکە نۆک و نیسک.
نەوزاد شێخ کامیل، بەڕێوەبەری گشتیی بازرگانی، لە وەزارەتی بازرگانی و پیشەسازیی حکوومەتی هەرێمی کوردستان، ڕاگەیاند: دەست بە دابەشکردنی بەشەخۆراکی مانگی شەش کراوە، ئەوەی هاتووە دابەش دەکرێت، بەڵام هەندێکی ڕۆژانە دێت و ئەویش دابەش دەکرێت.
وەڵام بدەوه