ئەمڕۆ هەینی شاندێكی پارتی دیموكراتی كوردستان سەردانی چەند لایەنێكی كوردستانی كرد لە شاری كەركووك، ئەمەش بە مەبەستی دروستكردنی هاوپەیمانییەك بۆ هەڵبژاردنی ئەنجوومەنی پارێزگاكان لە كەركووك.
باقی ساڵەیی، ئەندامی مەكتەبی ڕێكخستنی كەركووك - گەرمیانی پارتی و سەرۆكی شاندەكەی پارتی بۆ دیداری لایەنە سیاسییەكان لە كەركووك، ڕاگەیاند: كەركووك دیارە بە لای پارتییەوە شارێكی كوردستانیی گرنگە و لە دوای خیانەتی 16ی ئۆكتۆبەری 2017 كە كەركووك داگیر كرا، كار دەكەین بۆ ئەوەی كەركووك لەو دۆخە نەخوازراوە دەربهێنین.
گوتیشی: وەك پارتی لە كەركووك سەردانی كۆمەڵی دادگەری و یەكگرتووی ئیسلامی و بزووتنەوەی گۆڕان و بزووتنەوەی ئیسلامیی كوردستانمان كرد، لەگەڵ ئەو لایەنە سیاسییانە كە بە جیا سەردانمان كردن، تاوتوێی پرسی هەڵبژاردنی ئەنجوومەنی پارێزگامان كرد كە چۆن بتوانین بۆ ئەو هەڵبژاردنە لیستی كوردی بەهێز بێ و دەنگی كورد لە كەركووك پەرتەوازە نەبێ و پێمان خۆشە ئەو لایەنە سیاسییانە لەو لیستەی ئێمە پێكەوە بەشداری بین و چاوەڕێی وەڵامی ئەو لایەنانە دەكەین بۆ هاوپەیمانی."
بڕیارە لە 18ی كانوونی یەكەمی ئەمساڵ هەڵبژاردنی ئەنجوومەنی پارێزگاكانی عێراق بە كەركووكیشەوە بەڕێوە بچێت
پارتی دیموكراتی كوردستان و لایەنە كوردستانییەكانی تر بڕیاریان داوە بەشداریی لەو هەڵبژاردنەدا لە كەركووك و هەموو ناوچە كوردستانییەكانی تری دەرەوەی ئیدارەی هەرێمی كوردستاندا بكەن.
پارتی لە ئێستاوە لە كەركووك كار دەكات بۆ سازدانی هاوپەیمانییەك بۆ ئەو هەڵبژاردنە بۆ ئەوەی دەنگی كورد لە پارێزگاكە پەرتەوازە نەبێت.
وەڵام بدەوه