دڵنییایی لەبارەی پلە بەرزکردنەوەی ئەم کەسانە دەدرێت.

وەزارەتی پێشمەرگەی حکوومەتی هەرێمی کوردستان ئاشکرایکرد کە خشتەی پلە بەرزکردنەوەی نەورۆزی 2022ی ئەفسەرانی وەزارەتی پێشمەرگە گەڕایەوە.

ئەمڕۆ سێشەممە 4/7/2023، وەزارەتی پێشمەرگە لە راگەیاندراوێکدا بڵاویکردەوە: "دوای دەرچوونی فەرمانی هەرێمی لە سەرۆکایەتیی هەرێمی کوردستان و رەزامەندی سەرۆکی حکوومەتی هەرێمی کوردستان، خشتەی پلە بەرزکردنەوەی نەورۆزی ساڵی 2022ی ئەفسەرانی سەر بە وەزارەتی پێشمەرگە گەڕایەوە وەزارەت و فەرمانی وەزاری بۆ دەرچوو.

ئاماژە بەوەش کراوە کە فەریق روکن عیسا عوزێر، سەرۆکی ئەرکانی وەزارەتی پێشمەرگە پیرۆزبایی لە ئەفسەران کرد و رایگەیاند: هەموو هەوڵێک دەدەین، بۆ ئەوەی بە زووترین کات خشتەکانی پلە بەرزکردنەوەی ئەفسەرانی هێزەکانی 70 و 80ش وەک دیوانی وەزارەت، فەرمانی پلە بەرزکردنەوەیان بۆ دەربچێت.

روونیشکراوەتەوە، سەرۆکی ئەرکان دڵنیاییدا کە کار بۆ تەواوکردنی خشتەکانی ئەیلوولی ساڵی 2022 و نەورۆزی ساڵی 2023ی هێزی پێشمەرگەی کوردستان دەکرێت.