چەند ئەفسەر و کارمەندێکی لێژنەی دابەشکردنی مووچەی فەرمانگەیەک، بە هەڵە پارەیەکی زۆریان پێ درا، ئەوانیش گەڕاندیانەوە بانک.
نەقیب ڕەهێڵ ڕەسووڵ، سەرۆکی لێژنەی دابەشکردنی مووچە، لە بەشی پۆلیسی دارستان و ژینگەی کۆیە بە ڕاگەیاند: "دوای ئەوەی مووچەی مانگی پێنجمان لە بانک وەرگرت، لە فەرمانگە دەستمان كرد بە دابەشکردنی، سەیرمان کرد بینیمان 10ملیۆن و 60 هەزار دینار زیادە و بە هەڵە بە ئێمە دراوە.
زیاتر گوتیشی: دواتر بە نووسراوی فەرمی پارە زیادەکەمان بۆ بانکی کۆیە گەڕاندەوە و ئەوانیش بەو کارە دڵخۆش بوون و سوپاسیان کردین.
ڕەهێڵ ڕەسووڵ، جەختی کردەوە، دەستپاکیی بەلای ئەوانەوە کارێکی ئەخلاقییە
لێژنەی دابەشکردنی مووچەی بەشی پۆلیسی دارستان و ژینگەی کۆیە، پێکهاتوون لە ڕەهێڵ ڕەسووڵ و خەلیل حوسێن و شوان حوسێن.
لەبەرامبەر بەو دەستپاكی و هەست كردن بە بەرپرسیارییەدا، بەڕێوەبەرایەتیی پۆلیسی دارستانی هەولێر، سوپاسی ئەو ئەفسەر و کارمەندانەی کردووە.
وەڵام بدەوه