بەڕێوەبەری ڕاگەیاندن و پەیوەندییەكانی وەزارەتی دارایی و ئابووریی حكوومەتی هەرێمی كوردستان، لەبارەی دابەشکردنی مووچە ڕوونکردنەوە دەدات و دەڵێت: "تاوەکوو درەنگانی ئێوارەش دەرگای بانكەكان كراوە دەبێت و پێش جەژن مووچەی سەرجەم وەزارەتەكان دابەش دەكرێت.
ھونەر جەمال، بەڕێوەبەری ڕاگەیاندن و پەیوەندییەکانی وەزارەتی دارایی و ئابووری،ڕاگەیاند: "پارەی پێویستی مووچەی مانگی پێنج بۆ سەرجەم پارێزگا و بانكەكان نێردراوە و هیچ گرفتێك لەبەردەم دابەشكردنی مووچەدا نییە.
سەبارەت بە خێرا دابەشکرنی مووچە، ئەو بەرپرسەی دارایی گوتی: "تاوەکوو درەنگانی ئێوارەش دەرگای بانكەكان كراوە دەبێت و پێش جەژن مووچەی سەرجەم وەزارەتەكان دابەش دەكرێت و هەمووان مووچەی خۆیان وەردەگرن."
وەزارەتی دارایی جەخت دەکاتەوە، بەپێی خشتەی ڕاگەیاندراو ، دابەشكردنی مووچە بەردەوام دەبێت.
بەپێی خشتە، ئەمڕۆ دووشەممە مووچەی خانەنشینان و پەروەردە دەدرێ، سبەش مووچەی پێنج وەزارەت و سەرۆکایەتییەکانی هەرێم و پەرلەمان و ئەنجوومەنی وەزیران دەدرێ، بەڵام ئەگەریش هەیه ئەمڕۆ زۆرینەی شوێنەکان مووچەیان پێ بدرێت.
دوێنێ یەکشەممە، 400 ملیار دینار لە لایەن حکوومەتی عێراق خرایە سەر ئەژماری وەزارەتی دارایی و ئابووریی حكوومەتی هەرێمی كوردستان و وەزارەتەکەش پارەکەی بەسەر هەموو بانکەکان دابەش کرد.
وەڵام بدەوه