حەوت پرۆژەی گەورەی خزمەتگوزاری جێبەجێ دەكرێن

هەولێر.. حەوت پرۆژەی گەورەی خزمەتگوزاری لە بنەسڵاوە جێبەجێ دەكرێن

بە سەرپەرشتیی تیمەكانی سەرۆكایەتیی شارەوانیی بنەسڵاوە لە سەنتەری شارۆچكەی بنەسڵاوە لە پارێزگەی هەولێر لەسەر داهاتی پەرەپێدانی پارێزگە و داهاتی شارەوانیی بنەسڵاوە لە ئێستادا حەوت پرۆژەی گەورەی خزمەتگوزاریی دروستكردن و نۆژەنكردنەوە و قیرتاوكردنی شەقام و دروستكردنی ئاوەرۆ لی گەڕەك و شوێنە گشتییەكانی شارۆچكەكە لە قۆناغی جێبەجێكردندان و بە تەواوبوونیان ئاستی خزمەتگوزارییەكانی بنەسڵاوە بەرزتر دەبێتەوە.

1- پڕۆژەی دانانی قالبی کربستون و دروستکردنی ئاوەڕۆی لوولەیی لەپێش مزگەوتی برایان لەسەر ڕێژەی 15%ی داهاتی شارەوانی بە گوژمەی 80000000دینار، بەڕێژەی %90ی كارەكانی تەواو كراوە و لەلایەن شارەوانییەوە سەرپەرشتیی جێبەجێكردنی دەكرێت.

2- پڕۆژەی نۆژەنکردنەوەی سایدی دووەمی شەقامی سەرەکیی ناو بازاڕ، سەنتەری لاوان لەسەر بودجەی پەرەپێدانی پارێزگەی هەولێر بۆ ساڵی 2022 بە گوژمەی  2536676000دینار، كارەكانی پرۆژەكەش بە ڕێژەی 55%ی ئەنجامدراون و لەلایەن شارەوانییەوە سەرپەرشتی دەكرێت. 

3- پڕۆژەی شەقام و ئاوەڕۆیی لوولەیی لە گەڕەکی گوڵان لەسەر بودجەی پەرەپێدانی پارێزگەی هەولێر بۆ ساڵی 2022 بە گوژمەی 631000000 دینار و بەڕێژەی 37%ی كارەكانی پرۆژەكە تەواوكراوە و شارەوانی سەرپەرشتی دەكات.

4- پڕۆژەی دروستکردنی شەقام و ئاوەڕۆی لوولەیی لە گەڕەکی گەڕەسوور لەسەر بودجەی پەرەپێدانی پارێزگەی هەولێر بۆ ساڵی 2022 بە گوژمەی 930655000 دینار، بەڕێژەی %70ی كارەكانی تەواوكراوە و لەلایەن شارەوانییەوە جێبەجێ دەكرێت.

5- دروستکردنی ئاوەڕۆی لوولەیی لە گەڕەکی ڕاپەڕین لەسەر ڕێژەی %15ی داهاتی شارەوانی بە گوژمەی 70000000دینار، بەڕێژەی %40ی كارەكانی تەواوكراوە، لەلایەن شارەوانییەوە جێبەجێ دەكرێت.

6- پرۆژەی دروستکردنی قوتابخانەیەک لە گەڕەکی گەڕەسوور بە گوژمەی 1000000000 دینار، لەسەر بودجەی پەرەپێدانی پارێزگەی هەولێر بۆ ساڵی 2022 و لەلایەن شارەوانییەوە جێبەجێ دەكرێت.

7- پڕۆژەی قیرتاوکردنی شەقام لە سنووری شارەوانیی بنەسڵاوە لەسەر ڕێژەی 15%ی داهاتی شارەوانی بە گوژمەی 79000000دینار، بە ڕێژەی %80ی كارەكانی تەواوكراوە و لەلایەن شارەوانییەوە جێبەجێ دەكرێت.

ڕاگەیاندنی وەزارەتی شارەوانی و گەشتوگوزار