دوای کۆبوونەوەكەی ئەمڕۆی مەسرور بارزانی سەرۆکی حکوومەتی هەرێمی كوردستان و قوباد تاڵەبانی جێگری، بڕیارە لە چەند رۆژی داهاتوودا پارتی و یەکێتی کۆببنەوە.
لەمبارەیەوە هاوار محەمەد گوتەبێژی بەشی هەڵبژاردنی پارتی راگەیاند کۆبوونەوەی مهسرور بارزانی سەرۆکی حکوومەتی هەرێمی کوردستان و قوباد تاڵهبانی جێگری، کەشێکی ئەرێنی بۆ هەردوو بەشی هەڵبژاردنی پارتی و مەکتەبی هەڵبژاردنی یەکێتی رەخساندووە بۆ رێککەوتنی کۆتایی لەسەر پرسی هەڵبژاردن.
ئەوەشی گوتووە كە بۆ ئەم مەبەستە، لە چەند رۆژی داهاتوودا پارتی و یهكێتی کۆدەبنەوە و قسە لەسەر دوایین خاڵەکانی پەیوەست بە هەڵبژاردنەکان دەکەن.
ئەمڕۆ دووشەممە مەسرور بارزانی سەرۆکی حکوومەتی هەرێمی کوردستان لە نیوەڕۆخوانێکدا پێشوازی لە قوباد تاڵەبانی جێگری سەرۆکوەزیران کرد و بەگوێرەی راگەیەندراوێکی حکوومەتی هەرێمی کوردستان، لە کەشێکی ئەرێنیدا تاوتوێی کێشە و گرفتە دارایی و ئیدارییەکانی بەردەم حکوومەتی هەرێم کرا و هەردوولا کۆک بوون لەسەر چارەسەريی گشت کێشەکان بە ڕێگەی گفتوگۆ و هاوکاری نێوان گشت کوتلە وزارییەکانی ناو کابینە.
وەڵام بدەوه