پەیاما سەرەخۆشیێ یا سەرۆکێ حکومەتا هەرێما کوردستانێ بۆ کۆچا دوایێ یا کەسایەتیێ بەرنیاسێ کوردستانێ شێخ شامۆ

بەهی و سەرەخۆشییەکا ب ژان و پەژارە یا خۆ ئاراستەی ماڵبات و کەسوکار و جڤاکا ئێزیدییان ب گشتی دکەم کو مخابن ئەڤرۆ شێخ شامۆ شێخۆ نەعمو، کەسایەتیێ بەرنیاسێ کوردستانێ  و سەرۆکێ دەستەیا بلندا بنکەیێ لالش یێ ڕەوشەنبیری و جڤاکی و شێوەرمەندێ سەرۆک وەزیران بۆ کاروبارێن ئێزدییان کۆچا داویێ کر. ئەز خۆ ب هەڤپشکێ خەما وان دزانم. شێخ شامۆ کەسایەتییەکێ نیشتیمانپەروەر و دیار و ژێهاتی یێ ئێزدییان بوو، و خزمەتەکا بەرچاڤا دۆزا گەلێ کوردستانێ کریە و هەردەم بەرەڤانێ ماف و داخوازیێن کوردێن ئیزیدی بوو و رۆلەکێ گرنگ د پاراستن و خورتکرنا پێکڤەژیانا ئاشتییانە هەبوویە. خودێ مەزن گیانێ وی ب بەهەشتێ شاد بکەت و سەبرو هەدارێ ب ماڵباتا وی یا بەڕێز و هەڤاڵ و خوشک و برایێن ئێزیدی ب بەخشیت.
گیانێ وی شاد و یادا وی ب خێر .
مەسرور بارزانی 
سەرۆکێ حکومەتا هەرێما کوردستانێ