لە هەندێک شوێن بەفر دەبارێت

بەگوێرەی پێشبینییەکانی کەشناسی کەشی هەرێمی کوردستان گۆڕانکاری بەسەردا دێت و ئەگەر هەیە لە هەندێک ناوچە بەفر ببارێت.

بەشی پێشبینی کەشناسی و بومەلەرزەزانی هەرێمی کوردستان رایگەیاند، کەشی ئەمڕۆ سارد و نیمچە هەور دەبێت، لە ناوچە شاخاوییەکان ئاستی هەور زیاتر دەبێت، ئەگەری کەمێک بەفر لە ناوچە شاخاوییەکان هەیە لە کاتەکانی شەودا.

لەبارەی کەشوهەوای سبەی کەشناسی پێشبینی دەکات، رۆژی پێنجشەممە ئاسمان ساماڵ و پەڵە هەور دەبێت، ناوچە سنوورییەکان و شاخاوییەکان نیمچە هەور دەبێت، لە کاتەکانی بەیانی زوودا لەگەڵ ئەگەری بەفر لەسەر ناوچە سنوورییەکان لە بەیانی زوودا.

کەشناسی راشیگەیاندووە، سبەی پلەکانی گەرما کەمێک نزم دەبێتەوە بە بەراورد بە تۆمارکراوەکانی ئەمڕۆ .

بەرزترین پلەکانی گەرمای پێشبینیکراو بە پلەی سیلیزی:
هەولێر: 10 پلەى سیلیزى
سلێمانی: 9 پلەى سیلیزى
دهۆک: 10 پلەى سیلیزى
کەرکووک: 12 پلەى سیلیزى
هەڵەبجە: 10 پلەى سیلیزى
زاخۆ: 10 پلەى سیلیزى
سۆران: 6 پلەى سیلیزى
گەرمیان: 14 پلەى سیلیزى