کردنەوەى نۆڕینگەی تایبەت بە شێرپەنجەی مەمک و ئامێری شکاندنی بەردی گورچیلە و بەشی تاقیگەى بایەلۆژى دواى نۆژەنکردنەوەى لە نەخۆشخانەى ڕزگارى شارى هەولێر

کردنەوەى چەند بەشێکى گرنگ لە نەخۆشخانەى ڕزگارى
سەرلەبەیانى ئەمڕۆ دووشەمە 2021.11.8، ئامادەبوونمان لەڕێورەسمى کردنەوەى نۆڕینگەی تایبەت بە شێرپەنجەی مەمک و ئامێری شکاندنی بەردی گورچیلە و بەشی تاقیگەى بایەلۆژى دواى نۆژەنکردنەوەى لە نەخۆشخانەى ڕزگارى شارى هەولێر.
وێڕاى سوپاسمان بۆ وەزیر و وەزارەتى تەندروستى حکومەتى هەرێم، سوپاس بۆ کونسڵخانە و وەزارەتى دەرەوە و وەزارەتى بەرگرى ئەمریکا بەتایبەتى لە نۆژەنکردنەوەى تاقیگەى بایەلۆژى نەخۆشخانەکە، هەروەها بەبۆنەى کردنەوەى ئەم بەشانە، دەستخۆشى لە بەڕێوەبەرایەتى گشتى تەندروستیى هەولێر و پیرۆزبایش لە پزیشک و کارمەندانى نەخۆشخانەى ڕزگارى دەکەین.
نەخۆشخانەى ڕزگارى لەشارى هەولێر یەکێکە لەو شوێنە گشتیى و خزمەتگوزارییە گەورانەى کە ڕۆژانە خزمەت بە هاوڵاتییان و چارەسەرکردنى نەخۆشان دەگەێنێت، ئەمڕۆش کرانەوەى ئەم بەشانە لەو نەخۆشخانەیە یەکێکى ترە لەو هەنگاوانەى مەبەست لێى خزمەتکردنى زیاترى هاوڵاتییان و چارەسەرکردنی نەخۆشەکانیانە، بۆیە وەکو پاریزگاى هەولێر لەڕیگەى بەڕێوەبەرایەتى گشتیی تەندروستى هەولێر پشتیوانى لە هەر پڕۆژەیەکى خزمەتگوزراى تەندروستى دەکەین کە خزمەت بە باشترکردن و بەرەوپێشبردنى کەرتى تەندروستییە و دۆخى نەخۆشخانە و بنکە تەندروستییەکانى شارەکەمان بکات.