فەریق جەمال محەمەد سەرۆکی ئەڕکانی وەزارەتی پێشمەرگە، پێشوازی لە کۆڵۆنێڵ تاد بۆرۆس گەورە راوێژکاری هێزەکانی هاوپەیمانان  کرد

ئەمڕۆ ٢٤ی ئۆکتۆبەری ٢٠٢١،  فەریق جەمال محەمەد سەرۆکی ئەڕکانی وەزارەتی پێشمەرگە، پێشوازی لە کۆڵۆنێڵ تاد بۆرۆس گەورە راوێژکاری هێزەکانی هاوپەیمانان  کرد.
لە دیدارێکدا، باسیان لە بارودۆخی عێراق و هەرێمی کوردستان و ناوچەکە بەگشتی کرد، پەیوەندی و هەماهەنگی نێوان هێزەکانی پێشمەرگە و هاوپەیمانانیان بەگرنگ زانی.
لەبەشێکی تری دیدارەکەدا، تیشکخرایە سەر پەیوەندی نێوان وەزارەتی پێشمەرگە  و وەزارەتی بەرگری عێراق، هەماهەنگی نێوانیان لە ناوچە جێناکۆکەکاندا، بە پێویست زانرا، هاوڕا بوون، لەسەرئەوەی، کە گرنگی زیاتر بەو بوارە بدرێت.
هەر لەو دیدارەدا، ئاماژە بەقۆناغەکانی چاکسازی کرا و جەختکرایەو لە بەردەوامی پڕۆسەی چاکسازی لە وەزارەتی پێشمەرگە،   هەروەها هەماهەنگی نێوان وەزارەتی پێشمەرگە و یەکە سەربازییەکان لەسەرجەم بوارەکاندا پێویستە بەردەوام بێت.