ئەنجوومەنی وەزیرانی کوردستان، وەزارەت و فەرمانگەکان لە بڕیاری تازەی پەیوەست بە ڤیزا ئاگادار دەکاتەوە.
ئەنجوومەنی وەزیرانی کوردستان، بە نووسراوێك، کە ئاڕاستەی وەزارەتەكانی کردووە و کۆپییەکی دەست (ماڵپەڕی فەرمیی پارتی دیموکراتی کوردستان) کەوتووە، ئاماژەی بەوە کردووە، كە بۆ پەیوەندی بە وڵاتان و وەرگرتنی ڤیزای وڵاتان، لەسەر راسپاردەی نووسینگەی سەرۆكی ئەنجوومەنی وەزیران، دوو بڕیار هەیە دەبێت وەزارەت و فەرمانگەكان پێیەوە پابەند بن.
ئەنجوومەنی وەزیران ڕوونی کردووەتەوە: "پەیوەندیی دوولایەنەی نێوان وەزارەت و دامەزراوەكانی حكوومەتی هەرێمی كوردستان، لەگەڵ كونسوڵخانەكانی وڵاتان تەنیا لە رێگەی فەرمانگەی پەیوەندییەكانی دەرەرەوە رێكدەخرێت، وەكوو لایەنی تایبەتمەند."
لە هەرێمی كوردستان 40 وڵات كونسوڵخانە و نووسینگە و نوێنەرایەتییان هەیە.
ئەنجوومەنی وەزیران ئەوەی بۆ وەزارەت و فەرمانگەکان خستووەتە ڕوو، کە نابێت وەزارەت و فەرمانگەکان لە ڕێگەی خۆیانەوە داوای ڤیزا لە كۆنسوڵخانەكان بكەن، هاتووە: "وەرگرتنی ڤیزا و پێدانی پشتگیری تەنیا لە رێگەی فەرمانگەی پەیوەندییەكانی دەرەوە دەبێت و نابێت راستەوخۆ وەزارەت و دامەزراوەكانی دیكەی حكوومەت داوای ڤیزا بكەن، یان نووسراوی پشتگیری ئاڕاستەی كوسنوڵخانە و نوێنەرایەتیی وڵاتان بكەن."
جەختیش كراوەتەوە، كە دەبێت سەرجەم وەزارت و فەرمانگەكان بەو بڕیارانە پابەند بن.
Lanya
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه