هەڵمەتى هەڵگرتنەوەى پۆستەر و وێنەى کاندیدان و دروشمەکانى بانگەشى هەڵبژاردن لەسنوورى پارێزگاى هەولێر

سەرلەبەیانى ئەمڕۆ دووشەمە 2021.10.11، تیمەکانى فەرمانگەى ژینگە پارێزى و سەرۆکایەتى شارەوانى هەولێر و هەر شەش بەڕیوەبەرایەتى شارەوانییەکان، دەستیان کردبە بە هەڵمەتى هەڵگرتنەوەى پۆستەر و وێنەى کاندیدان و دروشمەکانى بانگەشى هەڵبژاردن لەسنوورى پارێزگاى هەولێر. 
ئەو هەڵمەتەى ئەمڕۆ لەبەردەم لقى2ى پارتى دیموکراتى کوردستان دەستى پێکرد  ، بەو ئومێدەى کاندیدان خۆشیان ئەو هەڵوێستەیان هەبێت بەرامبەر بە دەنگدەران و گەورەیی شارى هەولێر ئەوانیش هاوکاربن ، ئازایەتى و جوانییە هەر کاندیدێک بچێت وێنە و دروشم و پۆستەرەکانى خۆى هەڵبگرێتەوە، هەروەها داواکارین لە لایەنە سیاسیەکانیش ئەوانیش لەو شوێنانەى کە دروشم و پۆستەراتى خۆیان لێداوە هەڵیبگرنەوە، دەخوازین هەولێر هەمیشە ئاوەدان و پاک و ڕازاوە و گەشاوە بێت".