بەڕێوەبەری گشتیی گەشتوگوزاری دھۆک ئاشکرای کرد، ئەمساڵ ڕێژەی ھاتنی گەشتیاران بەراورد بە ساڵی ڕابردوو زیادی کردووە و زیاتر لە دوو ملیۆن و ٣٤٠ ھەزار گەشتیار سەردانی دھۆکیان کردووە. دەشڵێت، پلانیان بۆ ساڵی داھاتوو دیاری کراوە.
د. خەیری عەلی ئوسۆ، بەڕێوەبەری گشتیی گەشتوگوزاری دهۆک، لە کۆنفرانسێکی ڕۆژنامەوانیدا ڕایگەیاند: "تا کۆتاییی مانگی ١١ی ئەمساڵ دوو ملیۆن و ٣٤٠ ھەزار گەشتیار سەردانی پارێزگای دھۆکیان کردووە و ھەر ئەمساڵ ٨١ شوێنی گەشتیاری لە دھۆک کراونەتەوە و ٩٠٠ شوێنی گەشتیاری و ٢٥٠ شوێنی سروشتی لە سنووری پارێزگای دھۆک ھەن، بە بۆنەی ھاتنی ساڵی نوێوە فێستیڤاڵێک لە پارکی نەورۆز لە سەنتەری شاری دھۆک بەڕێوە دەچێت و بە ھەماھەنگیی لایەنە پەیوەندارەکان ئامادەکاری کراوە و، پێشبینی دەکەین بۆ جەژنی سەری ساڵ ٢٥ ھەزار گەشتیار بێنە دھۆک.''
بەڕێوەبەری گشتیی گەشتوگوزاری دھۆک گوتیشی: "پلانی گەشتیاری بۆ ساڵی داھاتووش دیاری کراوە و بڕیارە ژمارەیەک پڕۆژەی گەشتیاری بکەونە واری جێبەجێکردنەوە، لەوانەش قۆناغی دووەمی پڕۆژەی چیای زاوا و چەندان پڕۆژەی دیکە، بڕیارە لە مانگی ئەیلوولی ساڵی داھاتوو کۆنفرانسی نێودەوڵەتیی گەشتوگوزار لە دھۆک بەڕێوە بچێت.''
د. خەیری عەلی ئوسۆ ئاماژەی بۆ ئەوەش کرد: "بەراورد بە ساڵی ڕابردوو ھاتنی گەشتیاران بۆ دھۆک زۆر زیادی کردووە، چونکە ساڵی ڕابردوو تەنیا یەک ملیۆن و ٥٠٠ ھەزار گەشتیار ھاتبوونە دھۆک، بەڵام ئەمساڵ دوو ملیۆنی تێ پەڕاندووە بە ھاوکاریی پارێزگار و حکوومەتی ھەرێمی کوردستان کەرتی گەشتیاری ڕۆژ بە ڕۆژ بەرەو پێشەوە دەچێت.''
Lanya
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه