پێشبینی دەكرێ دووسبەی پێنجشەممە باران بارین لە چەند ناوچەیەكی هەرێمی كوردستان، بەتایبەتی لە سنووری سلێمانی و هەڵەبجە و گەرمیان دەست پێبكاتەوە.
بەشى پێشبینیی کەشوهەوای سەر بە بەڕێوەبەرایەتیی گشتیی کەشناسی و بومەلەرزەزانیی وەزارەتی گواستنەوە و گەیاندنی حكوومەتی هەرێمی كوردستان، پێشبینی كەشوهەوای بۆ ماوەى 48 کاتژمێرى داهاتوو لە هەرێمى کوردستان بڵاو كردەوە و ئاماژەی بەوە كردووە كە کاریگەریی هەردوو نزمە پاڵەپەستۆى دەریای سوور و کەنداوى عەرەبی کار دەکەنە سەر بەشێک لە ناوچەکانى باشوورى عێراق و پاشان درێژ دەبێتەوە بۆ سەر بەشێک لە ئیدارەى گەرمیان و باشوورى پارێزگاى سلێمانى، لە کاتەکانى ئێوارەى ڕۆژى پێنجشەممە، بە هۆى ئەم کاریگەرییە باران بارین ڕوو لە بەشێک لە ئیدارەى گەرمیان و بەشێک لە پارێزگاى هەڵەبجە و بەشێک لە ناوچەکانى باشوورى پارێزگاى سلێمانى دەکات، بەشیوەى نمە باران.
بەپێی راپۆرتی پێشبینییەكە، هەندێك جار بارانى مامناوەند لە ناوچەى جیا جیا دەبارێت، باران بارینیش لە سنوورى قەزاى خانەقین و مەندەلى و دەوروبەرى زیاتر دەبێت، هەندێك جاریش هەورە تریشقەشى لەگەڵ دەبێت، لە هەمان ڕۆژدا کاریگەریی ئەم شەپۆلە کورت مەودایە کۆتاىی دێت.
وەڵام بدەوه