جێگری سه‌رۆکی لیژنه‌ی ئاسایش و به‌رگری له په‌رله‌مانی عێراق رایگەیاند، بڕیاره مانگی داهاتوو دامه‌زراندنی هێزه‌کانی پاسه‌وانی سنوور ده‌ست پێبکات، که سێ هه‌زار پاسه‌وان بۆ سنووره‌کانی هه‌رێمی کوردستان داده‌مه‌زرێن.
سەگڤان سندی، بۆ ماڵپەڕی فەرمیی پارتی دیموکراتی کوردستان گوتی، دوای دەرچوونی بڕیاری دامەزراندنی سێ هەزار پاسەوان بۆ سنوورەکانی هەرێمی کوردستان بۆ ئەوەی ئەو بۆشاییەی هەیە پڕ بکرێتەوە، مانگی داهاتوو دەست بە دامەزراندن دەکرێت، کە لە رێگەی ئەلیکترۆنییەوە دەبێت و مەرجەکانیش دیاری دەکرێن، کە هاووڵاتیانی هەرێمی کوردستان ئەوانەی مەرجەکان بیانگرێتەوە دەتوانن فۆڕم لە رێگەی لینکەوە پڕ بکەنەوە، بۆ ئەوەی وەکو پاسەوانی سنووری دابمەزرێن، کە ژمارەیان سێ هەزار کەس دەبێت.
سندی ڕوونیشی کردەوە، لە ڕاستیدا سێ هەزار کەس کەمە و چاوەڕێ دەکرێت لە قۆناغی داهاتوودا پاسەوانی زیاتر دابمەزرێن، چونکە بۆشایی هەیە و پێویستی بە پاسەوانی زیاتر هەیە.
گوتیشی، جگە لە دامەزراندنی پاسەوان بۆ سنوورەکانی هەرێمی کوردستان، بڕیارە پێداویستیی سەربازی و کامێرای شەوانەشیان بۆ دابین بکرێت، بۆ ئەوەی بتواندرێت سنوورەکانی هەرێمی کوردستان بە تەواوی کۆنتڕۆڵ بکرێن.
Lanya
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه