Kurdistan Press - سەرۆک بارزانی پێشوازی لە باڵیۆزی تازەی فەڕەنسا لە عێراق دەکات سەرۆک بارزانی پێشوازی لە باڵیۆزی تازەی فەڕەنسا لە عێراق دەکات | Kurdistan Press

KurdistanPress...

CLOSE

سەرۆک بارزانی پێشوازی لە باڵیۆزی تازەی فەڕەنسا لە عێراق دەکات

رۆژی یەکشەممە ٢٦ـی ئەیلوولی ٢٠٢١ لە سەلاحەددین سەرۆک مەسعود بارزانی پێشوازی لە ئیریک شۆڤالیێ باڵیۆزی فەرەنسا لە عێراق کرد.
لە دیدارەکەدا کە ئۆلیڤیێ دیکۆنتی کونسوڵی فەڕەنسا لە ھەولێر ئامادەی بوو، سەرۆک بارزانی ھیوای سەرکەوتنی بۆ باڵیۆزی تازەی فەڕەنسا لە عێراق خواست و وێرای ئاماژەدانی سەردانی سەرۆک ماکرۆن بۆ ھەرێمی کوردستان جەختی لە پەیوەندی مێژوویی و دۆستانەی نێوان گەلی فەڕەنسا و گەلی کوردستان کردەوە.
ھەر لەو دیدارەدا باڵیۆزی فەرەنسا ئەوەی دووپاتکردەوە کە دۆستایەتی نێوان گەلی فەڕەنسا و گەلی کوردستان بابەتێکی نەگۆڕ و ھەمیشەییە.
لە درێژەی دیدارەکەدا رۆشنایی خرایە سەر ھەڵبژاردنی مانگی ئۆکتۆبەری داھاتووی ئەنجوومەنی نوێنەرانی عێراق و ھەردولا ھیوایان خواست ئەنجامەکانی هەڵبژاردنی ئەنجوومەنی نوێنەرانی عێراق ببێتە ھۆی بەدیھاتنی سەقامگیری و گۆڕانکاری ئیجابی کە لە بەرژەوەندی ھاوڵاتیانی عێراق بێت.
بارودۆخی شنگال تەوەرێکی تری ئەو دیدارەبوو  و، جەخت لەسەر پێویستی ئاساییبوونەوەی دۆخی شنگال و گەڕانەوەی خەڵکی شنگال بۆ ناوچەکەیان کرایەوە.

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه