سەرۆکی حکومەتی ھەرێم ڕەزامەندی لەسەر خەرجکردنی نزیکەی ٢ ملیار دینار بۆ پڕۆژەکانی ئاوی خواردنەوە لە پارێزگای دھۆک دا
لە چوارچێوەی کار و پڕۆژە خزمەتگوزارییەکانی کابینەی نۆیەمی حکومەتی ھەرێمی کوردستان و دابینکردنی خزمەتگوزارییەکان بۆ پارێزگاکان و ئیدارە سەربەخۆکانی ھەرێمی کوردستان، مەسرور بارزانی، سەرۆکی حکومەتی ھەرێمی کوردستان، ڕەزامەندی لەسەر تەرخانکردن و خەرجکردنی گوژمەی یەک ملیار و ٦٢٤ ملیۆن دینار دا، بەمەبەستی دابینکردنی ماددە پاککەرەوەکان بۆ پڕۆژەکانی ئاوی خواردنەوە و بیرەکانی پارێزگای دھۆک کە سەر بە وەزارەتی شارەوانی و گەشتوگوزار - بەڕێوەبەرایەتیی ئاوی دھۆکن.
فەرمانگەی میدیا و زانیاری
١٢ی کانوونی یەکەمی ٢٠٢٢
وەڵام بدەوه