ساسان عەونی: چوار بیری دیكەی ئاوى خواردنەوە لێ دەدرێن و دروستكردنی تۆڕی ئاو و ئاوەرۆش دەستیپێكردووە
وەزیری شارەوانی و گەشتوگوزار ڕایدەگەیەنێت: قیڕتاوكردنی شەقامی 60مەتری لە 8ی حەسارۆك لەسەر داهاتی 100%ی سەرۆكایەتیی شارەوانیی هەولێر دەستیپێكرد و دوای تەوابوونی ئەو شەقامەش، شەقامە 60 مەتری و 40 مەترییەكانی دیكە تەواو دەكرێن، گوتیشی دەست بە دروستكردنی تۆڕی ئاو و ئاوەڕۆی 8ی حەسارۆك كراوە. سەبارەت بە پێشكەشكردنی خزمەتگوزاری لەلایەن حكوومەتەوە بۆ شار و شارۆچكەكانی كوردستان ساسان عەونی دڵنیایی دەداتە هاووڵاتییان كە لە هەر شوێنێك پێویست بە خزمەتگوزاری بكات، حكوومەت خزمەتگوزارییان پێ دەگەیەنێت.
ئەمڕۆ دووشەممە 5/12/2022، بە ئامادەبوونی ساسان عەونی، وەزیری شارەوانی و گەشتوگوزار، ئومێد خۆشناو، پارێزگاری هەولێر و سەرۆكی شارەوانیی هەولێر و ژمارەیەك بەڕێوەبەر و ئەندازیار و تیمەكانی شارەوانی، قیڕتاوكردنی شەقامی 60مەتریی 8ی حەسارۆك دەستیپێكرد و وەزیری شارەوانی و گەشتوگوزار ساسان عەونی بەشێوەیەكی مەیدانی بەدواداچوونی بۆ چۆنیەتی بەڕێوەچوونی كاری پرۆژەكانی ئەو گەڕەكە كرد.
ساسان عەونی بە بۆنەی دەستپێكردنی قیڕتاوكردنی شەقامی 60مەتریی 8ی حەسارۆك بۆ دەزگەكانی ڕاگەیاندن ڕایگەیاند: ئەو پرۆژەیە لەسەر داهاتی 100%ی سەرۆكایەتیی شارەوانیی هەولێر جێبەجێ دەكرێت و دوای تەواوكردنی ئەو شەقامەش شەقامە 60 مەتری و 40 مەترییەكانی دیكە تەواو دەكرێن. سەبارەت بە لێدانی بیری ئاوی خواردنەوە، ساسان عەونی، گوتی: تاكوو ئێستا چوار بیری ئاو لێدراون و لە بەرنامەدایە لە داهاتوویەكی نزیكدا چوار بیری دیكەش لێ دەدرێن، لەبارەی تۆڕی ئاو و ئاوەرۆش گوتی: دروستكردنی تۆڕی ئاو و ئاوەڕۆ دەستیپێكردووە و لەكاتی ئاوەدانبوونەوەی زیاتری گەڕەكەكە، بەرنامە و پلانی دیكەمان بۆی هەیە، دڵنیایی دایە خاوەن زەوییەكانی هەشتی حەسارۆك كە حكوومەت بەردەوام دەبێت لە گەیاندنی خزمەتگوزارییە هەمەجۆرەكان بۆ ئاوەدانكردنەوەی گەڕەكەكە.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه