گوتەبێژی وەزارەتی كارەبا دەڵێت، كارەبای ماڵان لە سبەی پێنجشەممەوە لە ٤٠ ئەمپێرەوە بۆ ٣٠ ئەمپێر كەمدەكرێتەوە و هۆكارەكەشی ڕووندەكاتەوە.
ئومێد ئەحمەد، گوتەبێژی وەزارەتی كارەبای حکوومەتی هەرێمی كوردستان، رۆژی چوارشەممە، ٣٠ی تشرینی دووەمی ٢٠٢٢، ڕایگەیاند، "لە ١ی ١٢ی ٢٠٢٢، پێدانی كارەبای نیشتمانی لە ٤٠ ئەمپێرەوە بۆ ٣٠ئەمپێر كەمدەكرێتەوە.
گوتیشی: "گوشارێکی زۆرمان لەسەرە و بەرهەمهێنانی كارەبامان ٣٤٠٠ مێگاواتە، بەڵام ئێستا خواست بۆ ٦٥٠٠ مێگاوات بەرزبووەتەوە. بۆیە بە ناچاری كارەبا لە ٤٠ ئەمپێرەوە بۆ ٣٠ ئەمپێر كەمدەكەینەوە."
ئومێد ئەحمەد گوتی: "ساڵی ڕابردووش بەناچاری هەمان رێگامان گرتەبەر و تاوەكو كۆتایی مانگی شوبات بەردەوام بووین. بۆیە پێشبینی دەكەین ئەمساڵیش تاوەكو كۆتایی مانگی شوبات بەو جۆرە بێت."
لە وەرزی زستاندا بەهۆی ئەوەی خەڵك كارەبا بۆ خۆگەرمكردنەوە بەكاردەهێنن، خواست لەسەر بەكارهێنانی كارەبا زۆر دەبێت.
Lanya
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه