هەنگاوەکانی حکومەتی هەرێمی کوردستان، لەپێناو دروستکردنی یەکەی نیشتەجێبوون بۆ کەمدەرامەتان و کرێنشینان بەردەوامە و ١٣ـی ١١ـی ئەمساڵ لە سنووری ئیدارەی سەربەخۆی زاخۆ، بەردی بناخەی ٨٩٢ یەکە داندرا.
شڤان عەبدی، بەڕێوەبەری ڕاگەیاندنی ئیدارەی سەربەخۆی زاخۆ، بە فەرمانگەی میدیا و زانیاریی حکومەتی هەرێمی کوردستانی ڕاگەیاند: ٨٩٢ یەکە لەکۆی ٢٠ هەزار یەکەکەی نیشتەجێبوون کە بۆ کەمدەرامەت و کرێنشینان دروستدەکرێن، دەکەونە سنووری ئیدارەی سەربەخۆی زاخۆ و بە دوو قۆناخ دروستدەکرێن.
ئەوەشی گوت: لە قۆناخی یەکەمدا، ٥٧٦ یەکە لە کەرتی تلکەبەر و لە قۆناخی دووەمیش ٣١٦ یەکە لە کەرتی سەلکا دروستدەکرێن و بڕیارە لەماوەی دوو ساڵدا، تەواو بکرێن.
جگەر تاهیر، بەرێوەبەری گشتى وەبەرهێنانی زاخۆ، لەبارەی ڕووبەری شوێنی تەرخانکراوی یەکەکان و گوژمەی یەکەکانەوە، گوتی: ڕووبەری یەکەکان لەو شوێنانەی کە بۆیان تەرخانکراوە، ٤٠ دۆنم زەوییە. گوژمەی دروستکردنی یەکەکانیش ٤٨ ملیار و ٨٢ ملیۆن دینارە.
ئاماژەی بەوەش کرد: ٤٤٦ یەکە لەکۆی ئەو ٨٩٢ یەکەیەی کە لە سنووری ئیدارەی سەربەخۆی زاخۆ دروستدەکرێن، رووبەریان ١٠٠ مەتر دووجایە و ٤٤٦ یەکەکەی دیکەش، رووبەریان ١٢٠ مەتر دووجایە.
لە مانگی ئایاری ئەمساڵدا مەسرور بارزانی، سەرۆکی حکومەتی هەرێمی کوردستان، بڕیاری دروستکردنی ٢٠ هەزار یەکەی نیشتەجێبوونی بۆ کەمدەرامەت و کرێنشینان لە سەرجەم پارێزگا و ئیدارە سەربەخۆکان دا و وەک یەکەم شوێنیش لە ئیدارەی سەربەخۆی زاخۆ، بەردی بناخەی داندرا.
فەرمانگەی میدیا و زانیاری
٢٧ـی تشرینی دووەمی ٢٠٢٢
Lanya
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه