شەپۆڵێکى باران بارینی چڕ هەرێمى کوردستان دەگرێتەوە

کەشى پێشبینیکراوى 48 کاتژمێرى داهاتوو
ئەمڕۆ  هەینی     25 - 11- 2022  
کەش/ ئاسمان هەوری باراناوی دەبێت بە درێژایی کاتەکان لە ئەنجامى یەکگرتنى هەردوو نزمە پاڵەپەستۆى دەریاى ناوەڕاست و دەریاى سوور شەپۆڵێکى باران بارینی چڕ سەرتاپاى ناوچە جیاجیاکان دەگرێتەوە .  سەنتەرى پارێزگاکان و زۆربەی ناوچەکانی تر باران بارینى بە لێزمە و هەورە تریشقەى دەبێت هەندێ جار لە کاتى باران باریندا بەرزبوونەوەى ئاستى ئاو دەبێت . لە سەر لووتکەى شاخە بەرزەکان بەفر دەبارێت و پلەکانى گەرما روو لە نزم بوونەوە دەکات .
خێراى با / مام ناوەند –  کەمێک خێرا  دەبێت (20- 35) کم/ک. 
ئاراستەی با/ باکووری  خۆرئاوا دەبێت .
پلەکانی گەرما / نزیک دەبیتەوە لە تۆمارەکانى دوێنێ 
مەوداى بینین / لە نێوان ( 6 –  8 ) کم  دەبێت .
پلەکانی گەرما / لەسەر نەخشەدا ئاماژەیان پێدراوە .
سبەى شەممە   26 - 11 - 2022
کەش/  ئاسمان بە گشتی هەوری تەواو دەبێت هەورە تریشقە و باران بارینی مامناوەند و لێزمە بارانی پچڕ پچڕ دەبارێت لە ناوچە جیاجیاکان . لە سنووری پارێزگای دهۆک و باکووری خۆرهەڵاتی هەولێر و ناوچە شاخاوییەکان زۆرترین ڕێژەی باران بارینمان دەبێت . لەسەر لوتکەی شاخە بەرزەکان بەفر بارین دەبێت و پلەکانی گەرما بە نزمی دەمێنێتەوە وە پێشبینی دەکرێت لە کاتی بەیانی زوودا پلەکانی گەرما زیاتر دابەزین بەخۆیەوە ببینی بە نزیکەی ( 2 تــا 3 ) پلە بە بەراورد بە ڕۆژانی پێشتر .
 پلەکانی گەرما / نزیک دەبێتەوە لە تۆمارکراوی ڕۆژی پێشوو .
خێراى با / لەسەرخۆ - مام ناوەند دەبێت (10- 20) کم/ک , لە هەندێک ناوچە خێرایی زیاد دەکات . 
ئاراستەی با/ باکووری  خۆرئاوا دەبێت .
مەوداى بینین / لە نێوان ( 7 – 9) کم  دەبێت .
بەرزترین پلەکانی گەرمای پێشبینیکراو بە پلەی سیلیزی :
هەولێر     :  17 پلەى سیلیزى
سلێمانی    : 18 پلەى سیلیزى
دهۆک     :  12 پلەى سیلیزى
کەرکوک  : 19 پلەى سیلیزى
هەڵەبجە   :  17 پلەى سیلیزى
زاخۆ      :  12 پلەى سیلیزى
سۆران    :  13 پلەى سیلیزى
گەرمیان  :  20 پلەى سیلیزى
بەشى پێشبینى / 25 - 11 - 2022