جاران بەرپرسان پلە و پوست و دراڤێ زۆر ب نڤیسەر و شاعێر و پەرلەمانتاران ددان بۆ ھندێ ئاراستێ رەخنا وان ل سەر وان بەرپرسان نەبیت، پرانیا وان ب موچەکێ فولێ بندیواری بێدەنگ دکرن، بۆ ھندێ فشاران ل سەر نەکەن و ڕایا گشتی نە ئازرینن دگەل وان.
لێ مەسرور بارزانی ئێکەم پێنگاڤا خوەدا موچێ وان نڤیسەر و شاعێران قوت کر، کوە ب بریکار و راوێژکارێت سەختە ھاتبونە خانەنشین کرن، ب ناراستەوخۆ ب ھەر کەسێ گوت ئێدی ئەو سەردەم داوی ھات دراڤێ بەلاش ل حکومەتێ وەربگرن، ھەر چەند رەخنا بگرن ئازادن ب بەلگەڤە رەخنێت خوە دیاربکەن کەس رێگریێ ل وەناکەت.
دەما مەسرور بارزانی دگوت، چاکسازی داخازیا پرانیا خەڵکێ کوردستانێ یە ئەزژی دێ ل بەرەیا خەڵکی مینم، نەحەزێت وی دگوت چوو چاکسازی نینن، گەر ھەبەش بتنێ چاکسازی دێل فەرمانبەرێت ئاسایی گریت.
لێ مەسرور بارزانی چاکسازی ل پلێت بلند و تایبەت دەسپێکر، موچە وان نیڤی کر و ھندەکان ژی سێ بەشێ موچێ وان برین کوە چەند سالە بێ ماندیبون موچەکێ زۆر وەردگرن.چاکسازی بەردەوامە ب شەڤ و روژەکێ شاشیێت چەند سالێت بوری راستڤەنابن کوە ھەمی پارتێت سیاسی تێدا بەشداربون، لێ جەنابێ وی دخالەکێ دا دەسپێکر و بەردەوامە بۆ ئەداکرنا حوکمڕانیەکا تەندروست.
لدەسپێکا دەرکەفتنا پەتایا کۆرۆنایێ کوە ئابورێ ھەرێمێ سفر کر، نەحەزێت جەنابێ وی گرەو دکرن کوە حکومەتا مەسرور ب تنێ چەند رۆژێت ماین دێ ب داوی ھێت، بێ بلیل دلەیزین شرینیێ شکەستنا حکومەتا ھەرێمێ دخارن!
لێ مەسرور بارزانی جارەکادن خەونا ھەمی نەحەزان ل گور نا ئابورێ ھەرێمێ ڤەژاندەڤە، ب چەند مەھێت کێم موچێ فەرمانبەران جێگیرکر، لێبرینا موچەی نەھێلا، ئاسایشا خوراکی دابین کر، رێگاوبانێت سەردەم ل ھەمی باژارێت کوردستانێ دروست کرن، چەندین پروژێت دن یێت ستراتیژی دروست کرن کوە ل ئایندە دێ بەرھەمێ وان دیاربە.
مەسرور بارزانی، کار ل سەر ژێرخانا ئابوریەکێ بھێز دکەت، کوە ئێدی ھەرێما کوردستانێ پشت بخوە ببەستیت نە ولاتێت دن، لدیڤ چارەسەریا تمامی یە نە چارەسەریا دەمکی، ھەر کارێت دکەت ب ھویربینی ل سەر دراوستیت و بناغەکێ موکم بۆ دروست دکەت بۆ ھندێ نە زڤرینە خالا سفرێ بەلکو ھەر بەرەڤ پێشڤە بچین.
ھەروەسا کار ل سەر نەھێلانا روتینیێ و گەندەلیا بێ ژومار دکەت، ھەرێما کوردستان ب سیستەم و دامەزراوێت شەرعی بکەت دویر بێخیت ژ دەستێت پارت و خێل و گروپ و شەخسان، جەنابێ وی دزانیت ھەمی لایەکێ ڤە دێ ھێرش کەنە سەر ژ لایێ وان کەسێت زەرەرمەند دبن کوە چینا بلندا کومەلگەھێ نە،کوە ئەو دخازن ھەرێم ھەر دناڤ فەوزایێ بیت بۆ ھندێ بەرژەوەندیێت وان یێت کەسوکی پارستی بن و ئاغا و حیزب و شەخس دەسەلاتداربن نەحکومەت و دامەزراوێت فەرمی. لێ ئەو گوھ نادەتە فشار و ھێرشێت وان مێشک تاریا ئەو ل دیف بەرژەوەندیا ئایندەی ولاتی یە، بەرژوەندیا کوردستان ئێخستیە بەریا بەرژەوندی ھەمی پارت و شەخسان و بەریا ھەمیا پارتا خوە.
وەڵام بدەوه