ئێوارەی ئەمڕۆ پێنجشەممە سەرچاوەیەكی كەشناسیی عێراقی ئاشكرای كرد شەپۆلێكی سەرما و بەفربارین بەرەو چەند ناوچەیەكی هەرێمی كوردستان و عێراق بەڕێوەیە.
سادق عەتیە كەشناسی عێراقی لە هەژماری خۆیدا لە تۆڕی كۆمەڵایەتیی (فەیسبووك) بڵاوی كردەوە لەمشەو بەدواوە شەپۆلێكی سەرما روو لە چەند ناوچەیەكی هەرێمی كوردستان و عێراق دەكات، تەنانەت لە ناوچەكانی باشوور بە سنووری پارێزگای بەسراشەوە، ئەگەری باران بارین هەیە.
هەروەها نووسیویەتی لە هەولێر، سلێمانی، دهۆك، بەغدا، دیالە، نەینەوا و رۆژهەڵاتی ئەنباریش ئەگەری باران بارین زۆرە.
ئاماژەشی بەوە داوە كە دوور نییە لە ناوچە شاخاوییەكانی هەرێمی كوردستاندا بەفریش ببارێت، چونكە ئەمشەو و رۆژانی داهاتوو، پلەی گەرما بە شێوەیەكی بەرچاو دادەبەزێت
وەڵام بدەوه