بژاردەکانی کورد لە کشانەوەی ئەمریکا لەعێراق

بەھەبونی ھێزەکانی ئەمریکا لە عێراق کورد بژاردەی زیاتری لە بەردەستە، ھەم دەتوانێت بێ لایەنی خۆی بپارێزێت لە نێوان ئەمریکا و ئێران،ھەم دەتوانێت بە زیرەکانە بەرژەوەندی زیاتری خۆی لەنێوان ململانێی ھەردوولا بەدەست بھێنێت. 
بمانەوێت یان نا دوو لەسەر سێی خاکی عێراق لەبەرژەوەندی ئێران دایە، دەتوانین بڵێین تەنھا ھەرێمی کوردستان بەتایبەتی ھەولێر نەچۆتە ژێر ڕکێفی ئێران وشەڕی بەوەکالەتی بۆ ھەردوولا ڕەتکردۆتەوە. ھەروەھا کورد بەھەبونی ئەمریکا دەتوانێت زیاتر سەقامگیری خۆی بپارێزێت ئارامی زیاتر کەپێوەی ناسراوە بەرقەرار بکاتەوە.

بەڵام بەکشانەوەی ھێزەکانی ئەمریکا کورد تەنھا دوو بژاردەی لە بەردەست دەبێت، یان دەچێتە ژێر ڕکێفی ئێران، کەلەساڵی نەوەدەکانەوە ئێران پیلان نەماوە جێبەجێی نەکات کەھەولێر بباتە ژێر ڕکێفی خۆی بۆ ئەوەی بەتەواوی خاکی عێراق بە ھەرێمی کوردستانەوە بۆ بەرژەوەندی خۆی بەکاربھێنێت و ئەجێندای خۆی تێدا جێبەجێ بکات، پرۆژەی ھیلالی شیعی بەتەواوی کارابکرێت، یان کورد دەبێت شەڕ لەگەڵ گروپ ومیلشیایەکانی سەر بەئێران بکات کە بۆ نەتەوەیەکی وەکو کوردی بێ دەوڵەت و کە نە لەھێزدا نە لەچەک بەرامبەری نابێت، توشی شکستیش نەبێت زیانێکی وای پێدەگات کە بە ساڵانێکی زۆر ناتوانێت قەرەبوی بکاتەوە. 

بەکشانەوەی ھێزەکانی ئەمریکا، گروپە توندرەوەکانی میلیشیایەکان شوێنیان دەگرنەوە، وھەمیشە مەترسیان دەبێت بۆ سەر سەقامگیری ھەرێمی کوردستان، بەھەر بیانویەک و نەچونی ژێرباری ھەرێم درۆن بە درۆن ئەڵێت شوێنم بکە، موشەکی بێ شومار ئاراستەی ھەولێر و شارەکانی تری کوردستان دەکەن.سەدان گروپی تری ھاوشێوەی داعش ئاراستەیان دەگۆڕن بۆ ھەرێم ھەروەک چۆن لە ساڵی 2014 ئەوەیان کرد. 

ھەرچەندە ئەمریکا ھەر وڵاتێکی تر بەرژەوەندی خۆیان ئەوێت ئەوە گومانی تێدا نیە بەڵام ھەر چەند ئەمریکا بەرژەوەندی خۆی بوێت ھەبونی ئەمریکا لەناوچەکە زۆر گرنگە بەتایبەتی بۆ کورد،لەترسی ئەمریکا نەبێت چواردەورمان ھەمیشە ھەڕەشەی لەناوبردنمان دەکەن، ئەمریکا ناتوانێت دەست بەرداری کورد ببێت بەرژەوەندی ئەمریکا لەکورد دایە. 

کوردیش ناتوانێت پشت لەئەمریکا بکات چونکە سەقامگیری و پێگەکەی زیاتر بەندە بەھەبونی ئەمریکا لەناوچەکە.جوگرافیای کورد وا دەخوازێت نەبونی دەوڵەت و چەکی پێشکەوتو و نەبونی ئەو ھێزەی کەبتوانێت بەرامبەر ھەڕەشەی نەیارەکانی بوەستێت کەنەیاری زۆر ھەیە، کە لە ھەر کات و ساتێک بەھەر بیانویەک بڕیاری لەناوبردنی کورد دەدەن، جگە لەئەمریکا ھیچ ئەڵتارناتیڤێکی ترمان نیە لەئێستادا، بەرژەوەندی کود لەبەرژەوەندیەکانی ئەمریکادایە، بەرژەوەندی ئەمریکاش زیاتر بەندە لەسەر پێگەی بەھێزی کورد بەتایبەتی لەعێراق.