شاندێکی باڵای عێراق، گەیشتنە هەولێر

ئەمڕۆ دووشەممە 2026.9.8 ڕێبەر ئەحمەد، وەزیری ناوخۆ، ئانۆ جەوهەر، وەزیری گواستنەوە، ئومێد خۆشناو، پارێزگاری هەولێر، عەرفات کەرەم، نوێنەری بارەگای بارزانی، لە فڕۆکەخانەی نێودەوڵەتیی هەولێر، لە چوارچێوەی پێشوازیکردن لە میوانان و شاندە فەرمییەکان، پێشوازیان کرد لە محسین مەندەلاوی، سەرۆکی هاوپەیمانی ئەساسی عێراقی، و فەرهاد ئەتروشی، جێگری سەرۆکی پەرلەمانی عێراق و مستەفا سەنەد، وەزیری گەیاندنی عێراق و شاندێکی یاوەریان، کە پێکهاتبوون لە نوێنەری سەرۆک و ژمارەیەک لە ئەندامانی مەکتەبی سیاسی ئەنجومەنی باڵای ئیسلامی و ڕاوێژکارانی نووسینگەی سەرۆکوەزیران و وەزارەتی وەرزش و لاوانی عێراق، کە بە مەبەستی بەشداریکردنیان لە پرسەی خوالێخۆشبوو ( عەبدولواحید ئیبراهیم شێخ عەبدولسەلام بارزانی ) سەردانی شاری هەولێری کردووە.